Łukašenka: «Nichto tak u śviecie nie spraviŭsia z karanavirusam, jak u Biełarusi». Nasamreč śmiarotnaść u Biełarusi najbolšaja ŭ paraŭnańni z susiedziami
Alaksandr Łukašenka na naradzie 5 śniežnia pachvaliŭsia, što nichto tak u śviecie nie spraviŭsia z karanavirusam, jak heta było zroblena ŭ Biełarusi. Pavodle jaho, «sistema achovy zdaroŭja pravilna zaryjentavałasia». Adnak ličby zališniaj śmiarotnaści ad kavidu, jakija publikavali navukoŭcy, pakazvajuć žachlivuju karcinu. Razychodžańnie aficyjnaj statystyki z realnaj śmiarotnaściu ŭ Biełarusi najbolšaje. A realnaja kolkaść pamierłych — jak u vajennyja hady.
Na sustrečy ź ministram achovy zdaroŭja Dźmitryjem Pinievičam Łukašenka davodziŭ, što ŭłady abrali pravilnuju stratehiju ŭ baraćbie z karanavirusam.
«Heta jašče raz havoryć pra toje, što pad kantrolem strohim i ciskam sistema achovy zdaroŭja pracuje».
Pavodle źviestak Minzdaroŭja, za ŭvieś pieryjad raspaŭsiudžvańnia infiekcyi (ad sakavika 2020-ha pa lipień 2022-ha, bolš novych danych nie publikavałasia) pamierli 7 tysiač 118 pacyjentaŭ z vyjaŭlenym COVID-19.
Aficyjnaja statystyka nie ŭličvaje śmierci pacyjentaŭ ad uskładnieniaŭ roznych chvarob, vyklikanych karanavirusam. U takich vypadkach u paśviedčańniach ab śmierci COVID-19 nie adznačajecca, a fiksujecca asnoŭnaja chvaroba. Bolš za toje, da karanavirusnaj statystyki, jakuju publikujuć ułady, mała davieru, bo ličby chvorych i pamierłych, jakija ŭ asobnych balnicach nazyvali žurnalistam, pakazvali na kudy bolšyja maštaby epidemii.
Jość inšy pakazčyk, jaki dazvalaje acanić kolkaść achviar ad kavidu, — zališniaja śmiarotnaść. Jon pakazvaje, nakolki faktyčnaja śmiarotnaść pieravysiła čakanuju. Pakazčyk uličvaje i takija ŭskosnyja faktary, jak pierahružanaść miedyčnych ustanoŭ (praz što čałaviek nie zmoh svoječasova źviarnucca pa dapamohu), śmierć ad nastupstvaŭ, vyklikanych kavidam, niedyjahnastavanyja vypadki.
Pavodle daśledavańnia miedyčnaha navukovaha časopisa The Lancet, u Biełarusi źviazanaja z COVID-19 zališniaja śmiarotnaść pieravysiła 85 600 čałaviek. Heta ličby za dva hady — u pieryjad z 1 studzienia 2020-ha pa 31 śniežnia 2021-ha.
Na toj momant Ministerstva achovy zdaroŭja paviedamlała aficyjna pra 5580 śmiarotnych vypadkaŭ.
U suvymiernaj pa kolkaści nasielnictva Čechii (10,5 miljona čałaviek) zališniaja śmiarotnaść za hety pieryjad siahnuła 49 100 čałaviek, abo amal udvaja mienš.
U susiedniaj Łatvii z nasielnictvam u 1 miljon 800 tysiač čałaviek zališniaja śmiarotnaść skłała 12 400 čałaviek. A ŭ Litvie, dzie nasielnictva 2 miljony 700 tysiač čałaviek, hety pakazčyk na ŭzroŭni 20 tysiač čałaviek.
U 38-miljonnaj Polščy zališniaja śmiarotnaść dasiahnuła 214 000 čałaviek.
Va Ukranie da poŭnamaštabnaj vajny zališniaja śmiarotnaść ad kavidu skłała 181 000 čałaviek. Da 24 lutaha 2022 hoda va Ukrainie žyło 43,5 miljona čałaviek. Takim čynam, Ukraina spraviłasia z karanavirusam udvaja lepš, čym Biełaruś.
Kali hetyja raźliki pravilnyja, to ŭ pieraliku na 100 tysiač nasielnictva ŭ Biełarusi najbolšy pakazčyk zališniaj śmiarotnaści ad kavidu z usich pieraličanych vyšej krain.
Heta vynik taho, što ŭłady pa ŭkazcy Łukašenki nie chacieli pryznavać epidemiju.
Treba skazać, što zališniaja śmiarotnaść i ŭ inšych zhadanych krainach pieravyšaje kolkaść aficyjnych śmierciaŭ ad kavidu. Adnak kali ŭ Litvii i Litvie roźnica pamiž hetymi pakazčykami 3 razy, to ŭ Biełarusi — 15 razoŭ.
Minzdaroŭja namiaknuła, kolki ŭ Biełarusi chvorych na kavid
«Pandemija i represii ŭzarvali sistemu». Daktary raskazvajuć, jak źmianiłasia miedycyna za try hady
Prafiesar Karpaŭ: Karanavirus budzie žorstkim
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary
Hłavnym obrazom nie poniatno otkuda vziałaś śmiertnosť za 2020; 2021. Eti dannyje nynčie možno dobyť tolko ahienturnym putiem.
Po nim połučajetsia ubyl za 2019 hod - 68 000 čiełoviek; 2020 - 60 000 čiełoviek; 2021 - 125 000 čiełoviek. Nu tut javno mihracija otraziłaś.