U Rasii aštrafavali dydžeja, jaki ŭklučyŭ pieśniu Patapa i Naści Kamienskich padčas navahodniaha zvarotu Pucina
Navamaskoŭski rajonny sud Tulskaj vobłaści pryznaŭ vinavatym u «dyskredytacyi» armii Siarhieja Vasiljeva, jaki ŭklučyŭ u navahodniuju noč pieśniu ŭkrainskaha dueta Patapa i Naści Kamienskich padčas zvarotu Pucina.
«Padčas tranślacyi pa centralnym kanale videazvarotu prezidenta RF na fonie rasijskich vajskoŭcaŭ jon [Vasiljeŭ] dapuściŭ u prysutnaści nieabmiežavanaj kolkaści naviedvalnikaŭ kaviarni [«Fłahman»] praz aŭdyjasistemu, prajhravańnie treka ŭkrainskaha hurta», — paviedamlaje sud.
Na dumku suda, słovy hetaj pieśni ŭsprymalisia słuchačami «skažona i niemiłahučna». Sud paličyŭ, što Vasiljeŭ svaimi dziejańniami padryvaŭ davier da «śpiecapieracyi». I aštrafavaŭ na 40 tysiač rasijskich rubloŭ (kala 520 dalaraŭ)
Raniej Baza publikavała videa, na jakim hraje pieśnia dueta pad nazvaj «Novy hod» sa słovami «A ty mnie v Novyj hod ot sosny, ot sosny mnie ot sosny, ot sosny». Jak vyśvietliłasia paźniej, jano było źniataje ŭ kafe «Fłahman» u Novamaskoŭsku. Na pačatku lutaha aŭtara rolika Stanisłava Jermakova aštrafavali na 45 tysiač rubloŭ (585 dalaraŭ) pa tym ža artykule, što i Vasiljeva.
Ciapier čytajuć
Chto ciapier prapisany ŭ aficyjnaj rezidencyi Drazdy razam z Łukašenkam?18
Kamientary