Rasijskija vajskoŭcy va Ukrainie padziakavali za dapamohu niekalkim biełaruskim manastyram. Siarod ich tyja, jakija raniej nie śviacilisia
Rasijskija prapahandysckija kanały raspaŭsiudžvajuć videa, na jakim vajskoŭcy rasijskaj armii, što znachodziacca va Ukrainie, dziakujuć za dapamohu biełaruskim pravasłaŭnym manastyram, zaŭvažyŭ telehram-kanał «Biełaruś hołovnoho mozha».
«Vykazvajem vialikuju padziaku matušcy Haŭryile za adpraŭlenuju humanitarnuju dapamohu, prychadžanam manastyroŭ Hrodzienskaha, Navahrudskaha, Žyrovickaha. U asobie ihumieńni nas padtrymlivaje ŭsia pravasłaŭnaja Biełaruś», — začytvaje na kamieru tekst z papierki adzin z čatyroch bajcoŭ rasijskich padraździaleńniaŭ, ź ciažkaściu raźbirajučy i błytajučy vidavočna nieznajomyja jamu biełaruskija nazvy.
Siarod rečaŭ, jakija ŭvachodziać u humanitarnuju dapamohu, sałdat pieraličvaje płaščy, daždžaviki, sałodkija padarunki i ikony.
Treba adznačyć, što ŭ Hrodzienskim Śviata-Rastva-Baharodzickim žanočym manastyry, jakim užo bolš za 30 hadoŭ kiruje ihumieńnia Haŭryiła, svajho ŭdziełu ŭ dapamozie rasijskim vajskoŭcam nikoli nie chavali. A voś taksama zhadanyja Navahrudski (Łaŭryšaŭski) i Žyrovicki manastyry raniej svajoj aktyŭnaj padtrymki rasijskaj ahresii va Ukrainie, prynamsi adkryta, zdajecca, nie afišavali.
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka28
Kamientary