Adyjoznaha teleprapahandysta i jutub-błohiera Ryhora Azaronka zaprasili pracavać na «Biełaruśfilm» u jakaści režysiora dakumientalnaj studyi «Letapis». Pra heta «Jeŭraradyjo» raskazali krynicy z asiarodździa dziaržkinastudyi.
Azaronak tam zdymie dva prajekty, źviazanyja z padziejami 2020 hoda. Mahčyma, havorka idzie pra tyja pierałomnyja padziei z pazicyi režymu. Na studyju Azaronak trapiŭ praz pratekcyju siońniašniaha hiendyrektara Juryja Alaksieja.
Prapahandyst nie adnojčy aburaŭsia, što «Biełaruśfilm» nie zdymaje filmy pra toje, jak režym zadušyŭ pratesty ŭ 2020 hodzie. I tamu było tłumačeńnie — u Minkult nie dasyłali idei i scenary filmaŭ na hetuju tematyku.
Ryhor Azaronak praciahnie siamiejnuju tradycyju — jaho baćka Juryj Azaronak staŭ znakamitym praz prapahandysckija telestužki ŭ 1990-ja hady. U svaich pracach jon vykryvaŭ va ŭsich hrachach apazicyjnyja siły, što dazvoliła jamu ŭvajści ŭ davier da Łukašenki.
Małodšy Azaronak, jak i baćka, skončyŭ Akademiju mastactvaŭ pa śpiecyjalnaści «Režysior». Dypłomnaj pracaj Ryhora staŭ film «Sałdat Chrysta. Juryj Varabjoŭski», pryśviečany adnajmiennamu pravasłaŭnamu piśmieńniku i kanśpirołahu z Rasii.
-
Na ŭradavym partale Polščy źjavicca sajt dla biełarusaŭ na biełaruskaj movie
-
Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku
-
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka10
Kamientary