Homielskaha kamunista zatrymali za padpisku na «ekstremisckija» resursy — ciapier jon jeździć pa kałhasnych palach
Alaksandr Lebiedzieŭ, małady kamunist z Homiela, byŭ zatrymany ŭ 2023 hodzie za padpisku na «ekstremisckija» resursy. Tady Lebiedzieŭ vykładaŭ chimiju ŭ adnoj z homielskich škoł, ale z taho času pamianiaŭ svajo žyćcio.
Alaksandr trapiŭ za kraty ŭ žniŭni 2023-ha, ale pravioŭ tam tolki adnu noč — rankam jaho «vyzvalili» baćki. Na toj čas chłopiec, akramia pracy ŭ škole, naležaŭ da BRSM i kamunistyčnaj partyi, a taksama da abjadnańnia «Patryjoty Biełarusi».
Paśla zatrymańnia paplečniki nie padtrymali Alaksandra — jaho pažadali vyklučyć i z kamunistaŭ, i z «Patryjotaŭ Biełarusi».
Ciapier, praz paŭtara hoda, jon bolš nie vykładaje ŭ škole, a pierajšoŭ da praktyčnaj navuki i ŭładkavaŭsia ahrachimikam-hlebaznaŭcam u abłasnuju prajektna-vyšukalnuju stancyju chimizacyi sielskaj haspadarki.
Svaje ciapierašniaje žyćcio Alaksandr fiksuje ŭ telehram-kanale, dzie na siońnia 7 padpisčykaŭ, a taksama ŭ sacsietkach.
Praŭładnym aktyvistam chłopiec być nie pierastaŭ — naprykład, razam z «Patryjotami Biełarusi» jon vinšavaŭ vieterana z Novym hodam, a taksama nie zabyŭ praahitavać za Łukašenku na prezidenckich «vybarach» i padpisacca za jaho vyłučeńnie.
Taksama Lebiedzieŭ byvaje na tradycyjnych mitynhach na 7 listapada, dzie zvyčajna źbirajucca našmat starejšyja za jaho ludzi.
U svaim telehram-kanale Alaksandr publikuje zdymki z roznych homielskich viosak, jakija jon naviedvaje pa pracy. Chłopcu ŭsio cikava — ad pamiatnych kamianioŭ da ježy ŭ kałhasnaj stałoŭcy.
Alaksandr apublikavaŭ niekalki fota ź viaskoŭcami — naprykład, z bajanistam na sielskaj dyskatecy ci traktarystam. Ale padobna, što najbolš jaho natchniaje pryroda.
Vyhladaje, što były člen kampartyi narešcie znajšoŭ siabie.
«Naša Niva» — bastyjon biełaruščyny
PADTRYMAĆCiapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka26
Kamientary