Новыя абмежаванні супраць расійскіх алмазаў, падтрымка Украіны і захады супраць Расіі — заява G7
З'явілася сумесная заява лідараў G7 на саміце ў Хірасіме. Яе тэкст прыводзіць у тэлеграм-канале кіраўнік Офіса прэзідэнта Украіны Андрэй Ярмак.
Мір ва Украіне не можа быць дасягнуты без поўнага вываду расійскіх войскаў, гаворыцца ў заяве.
— G7 уводзіць дадатковыя санкцыі, каб павялічыць выдаткі РФ і тых, хто падтрымлівае яе ваенныя дзеянні.
«Сямёрка» будзе і далей разам супрацьстаяць незаконнай, нічым не апраўданай і нічым не справакаванай агрэсіўнай вайне Расіі супраць Украіны.
«Вялікая сямёрка» выказвае занепакоенасць з-за безадказнага захопу і мілітарызацыі РФ Запарожскай атамнай электрастанцыі. Удзельнікі абавязваюцца працягваць аказваць дапамогу Украіне ў сферы бяспекі датуль, пакуль ідзе вайна з Расіяй.
— Падтрымана праграма фінансавай дапамогі Украіне на наступны год.
Таксама будзе падтрымка намаганняў урада Украіны ў барацьбе з карупцыяй.
G7 падкрэслівае адзінства ў санкцыйнай палітыцы супраць Расіі. Вораг павінен аплаціць доўгатэрміновае аднаўленне Украіны, зазначае Андрэй Ярмак.
Таксама Расія павінна панесці адказнасць за напады на цывільнае насельніцтва і крытычна важную інфраструктуру.
Краіны абавязваюцца падтрымліваць тыя дзяржавы, што таксама пацярпелі праз расійскае ўварванне ва Украіну.
G7 плануе захоўваць актывы Расіі замарожанымі, пакуль Масква не кампенсуе страт ад вайны ва Украіне.
Таксама будуць і ў далейшым уводзіцца абмежаванні на выкарыстанне РФ міжнароднай фінансавай сістэмы.
— G7 прыме меры для прадухілення «выкарыстання філіялаў расійскіх банкаў у трэціх краінах» для абыходу санкцый.
G7 працягне зніжаць залежнасць ад Расіі ў сферы ядзернай энергетыкі.
«Сямёрка» прыме меры супраць фінансавага сектара Расіі.
Цяпер чытаюць
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка48
Каментары