Ciapier usie kamiery na biełaruskich darohach pačali paralelna sa svajoj asnoŭnaj funkcyjaj adsočvać i aŭtamabili biez projdzienaha techahladu. Takuju infarmacyju 12 sakavika raspaŭsiudziła ŭ sacsietkach Hrodzienskaja Dziaržaŭtainśpiekcyja, zaŭvažyŭ «Telehraf».
«Usie kamiery kantrolu chutkaści, a taksama kamiery manitorynhu pa ŭsioj Biełarusi zaraz paralelna praviarajuć dziaržtechahlad aŭtamabila. Kali jaho niama, robiać aŭtamatyčnaje fota, a śledam vam prylacić «list ščaścia» sa štrafam», — havorycca ŭ zajavie Hrodzienskaj DAI.
Kantrol za techahladam z dapamohaj darožnych kamier u Biełarusi ŭviali jašče ŭ 2023 hodzie, adnak da niadaŭniaha času hetuju funkcyju mahli vykonvać tolki asobnyja kamiery. Na praciahu ŭsiaho minułaha hoda kampanija «Biełtelekam», jakaja adkazvaje za sistemu kamier vonkavaha nazirańnia, «Biełtechahlad» i DAI raspracoŭvali ałharytm uzajemadziejańnia.
U «Biełtechahladzie» na pačatku minułaha hoda papiaredžvali, što na poŭnuju moc novaja sistema sačeńnia na darohach pavinna zapracavać u 2025 hodzie. Na pačatak hetaha hoda, pavodle infarmacyi pradpryjemstva, pa ŭsioj Biełarusi naličvałasia tolki 16 učastkaŭ, abstalavanych kamierami, jakija fiksujuć nie tolki chutkasny režym, ale i najaŭnaść techahladu.
Za kiravańnie transpartnym srodkam biez dopusku da ŭdziełu ŭ darožnym ruchu vadzicielam u Biełarusi pahražaje štraf u pamiery da 3 bazavych vieličyń (126 rubloŭ). Kali ž «złoviać» biez techahladu paŭtorna na praciahu hoda, to pamier štrafu pavialičycca da 5 bazavych (210 rubloŭ).
Darečy, kali aŭta biez techahladu trapicca na kamiery fiksacyi niekalki razoŭ na praciahu adnych sutak, to štraf ułaśniku mašyny za hetaje parušeńnie vypišuć tolki adzin.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary
mn. NV vieličyni, vieličyń, vieličyniam, vieličyniami, vieličyniach