Каханне і сэкс2424

Чаму пеніс мае форму грыба? Навукоўцы знайшлі прычыну

Мужчыны нямала разважаюць і нават часам перажываюць наконт памеру свайго члена, але мала хто з іх ведае, чаму ён мае такую форму, якую мае.

Малады белы грыб. Фота: Wikimedia Commons

Аказваецца, існуе прычына, па якой пеніс мае грыбападобную выпукласць. Дзякуючы такой форме, ён дзейнічае як насос, і гэта мела эвалюцыйнае значэнне.

Прафесар Гордан Гэлап са State University of New York у 2003 годзе ўзначаліў групу навукоўцаў для вывучэння анатоміі чалавечага пеніса, піша брытанскае выданне The Sun.

Каманда прафесара Гэлапа звярнула ўвагу, што грыбападобнасць мужчынскага інструмента прыводзіць да таго, што пры ягоным руху ў похве яе сценкі ачышчаюцца, прычым такім чынам, што ён, нібы помпа, ссоўвае ўсё ўніз. У тым ліку і сперму папярэдняга мужчыны, калі ён быў.

Навукоўцы схіліліся да гіпотэзы, што на ранейшых этапах эвалюцыі чалавека, калі сэксуальнае жыццё было яшчэ неўпарадкаваным, перавагу мелі тыя мужчыны, чый пеніс спраўней выдаляў сперму сапернікаў. Тэорыя наколькі ж шалёная, настолькі і простая: у першабытным чалавечым статку па сутнасці, перамагаў той самец, чыя сперма выйгравала падчас апладнення партнёркі і працягвала род. Самцы з грыбападобным членам у гэтым сэнсе мелі перавагу перад самцамі, орган якіх такой формы не меў. Яны замянялі чужую сперму ўласнай.

Навукоўцы праверылі сваю тэорыю ў лабараторыі з латэксным пенісам і штучнымі похвамі. Для заменніка спермы яны замяшалі крухмал. Выявілася, што «рабро» вакол верхняй часткі чэлеса здольнае «вычэрпваць» больш за 90 адсоткаў заменніка спермы ўсяго за адзін штуршок.

Прафесар Гэлап тлумачыць: «Мы мяркуем, што ў выніку канкурэнцыі за бацькоўства ў мужчын развіліся пенісы з унікальнай канфігурацыяй, якія выцясняюць сперму, пакінутую іншымі мужчынамі».

Калега прафесара Гэлапа, Рэбека Берч, дадае: «Даўжэйшы пеніс быў бы не толькі перавагай для дастаўкі спермы ў менш даступную частку похвы, але, запаўняючы і рассоўваючы похву, ён таксама дапамагаў і спрыяў выцясненню спермы, пакінутай іншымі самцамі, максімізуючы такім чынам магчымасць бацькоўства».

Даследаванне было апублікаванае ў Journal of Evolutionary Psychology. Хаця апісаная тэорыя можа прапаноўваць магчымую прычыну эвалюцыі гэтага важнага органа, відавочна яна не грае важнай ролі для мужчын у нашы дні, калі людзі жывуць сем'ямі.

Якія яшчэ існуюць формы пеніса?

Вы здзівіцеся, але іх існуе мноства. Няма стандартнай формы і не існуе такога эталона, які павінен лічыцца нармальным або ненармальным. Таму — хоць большасць і будзе ўяўляць сабой розныя варыяцыі формы грыба — пры гэтым яны могуць мець мноства адрозненняў.

Каментары24

  • хх
    17.04.2023
    першая беларуская літаратурная, што я такое чытаю? 🤭
    дык якая выснова? першы не заўсёды пераможца?

  • F
    17.04.2023
    хх, **ецца той, хто **ецца апошнім!
  • Мужык Хамсы
    17.04.2023
    Фуёё... Тыкацца ў чужую сперму, гэта нават блявотна ўяўляць.
    А па справе, атрымліваецца, не "хто першы той і тата" - а ў каго болей грыб, той і тата?)

Цяпер чытаюць

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка34

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Усе навіны →
Усе навіны

У Беларусі няма мора, але топяцца тут часцей, чым ва ўсім свеце3

Ля Нацыянальнай бібліятэкі забіў фантан4

Стала вядома, хто прызначаны прэс-сакратаром МЗС6

У Сенаце ЗША дэмакрат 25 гадзін выступаў з крытыкай Трампа

«Заплаціла 1500 замест 350 рублёў»: беларуска расказала, як страціла грошы, афармляючы апастыль праз «памагатых»1

«Як я цябе магла адпусціць у гэты жахлівы бой?» Ала Пугачова выпусціла дзве песні пра вайну6

Вось так выглядае самая танная аднапакаёвая кватэра ў Мінску. Яе аддаюць з мэбляй за $46 тысяч2

У Шакуціна забралі гаротны даўгабуд «Шантэр Хіл» каля Драздоў2

Памёр акцёр Вэл Кілмер3

больш чытаных навін
больш лайканых навін

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка34

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Галоўнае
Усе навіны →

Заўвага:

 

 

 

 

Закрыць Паведаміць