Słava Kamisaranka raskazaŭ, jak jaho kancerty čatyry razy miniravali
Stendapier Słava Kamisaranka padzialiŭsia, chto stajaŭ za vypadkami miniravańnia załaŭ, dzie prachodzili jaho vystupleńni, i čamu tak nie atrymałasia z Osła.
Pra dziŭnyja vypadki miniravańnia Słava Kamisaranka raskazaŭ padčas svajho vystupleńnia ŭ Prazie. Jahony zapis stendapier vykłaŭ u svaim kanale ŭ jutubie.
Adkazvajučy na pytańnie, čamu kancert u Brno (Čechija) u minułym hodzie skončyŭsia raniej, Kamisaranka adkazaŭ:
«U nas zaminiravali zał. Pa fakcie jaho nie zaminiravali. Prosta ŭ nas psich skraŭ hrošy z Polščy. I na kožny kancert zvonić i havoryć, što kancert zaminiravany».
Kancert u Prazie adbyŭsia biez ekscesaŭ, bo kvitki na jaho pradavalisia praz tarhiecinhavanuju rekłamu. Jak tłumačyć komik, «kali pradavać praz sajt, to dał***b usio miniruje».
Pa słovach Kamisaranki, hety čałaviek «miniravaŭ» kožny kancert u apošnija čatyry miesiacy, akramia kancerta ŭ Osła.
«Ja spačatku dumaŭ: «Hospad dapamoh». A potym vyśvietliłasia, što jon jaho taksama «zaminiravaŭ». Prosta, kali jon zvaniŭ, nichto trubku nie ŭziaŭ», — tłumačyć Kamisaranka i dadaje:
«Mnie padabajecca hety jeŭrapiejski padychod da spraŭ. Jon jašče [elektronny] list pisaŭ, što ŭsio zaminiravana. Jaho jon adpraviŭ u piatnicu. A jany ŭžo a 12-j hadzinie ŭsie pajšli dachaty. A ŭ paniadziełak prychodziać i — «Ničoha sabie! My ŭ piatnicu byli zaminiravanyja!»
Słava Kamisaranka adznačyŭ, što jahonaja kamanda rassakreciła čałavieka, jaki zajmajecca «miniravańniem» jaho kancertaŭ, i paabiacaŭ, što chutka jaho złoviać.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary
pośle istorii s dievuškoj bolšie jeho nie smotriu.
eto koniečno jeho pravo s kiem stroiť otnošienija, a s kiem niet..
no v mojem ponimanii eto hovorit o čiełoviekie VSIO.