Viačorka pra momant, kali Łukašenki nie stanie: Ci rasijanie pasprabujuć pastavić svajho čałavieka, ci da ŭłady pryjdzie Cichanoŭskaja
Hałoŭny daradca Śviatłany Cichanoŭskaj Franak Viačorka daŭ intervju češskamu vydańniu Forum24, u jakim raskazaŭ pra svajo bačańnie budučych źmienaŭ u Biełarusi.
Viačorka nie ličyć ciapierašniuju situacyju dramatyčnaj, ale kanstatuje, što «jak nacyja my znachodzimsia ŭ zakładnikach u vajny i hieapalityčnaj situacyi»:
«Ciapier usio zaležyć nie tolki ad biełarusaŭ. Kali my havorym pra mirnyja pieramovy va Ukrainie, my pavinny patrabavać vyvadu rasijskich vojskaŭ nie tolki z Ukrainy, ale i ź Biełarusi. Heta adziny sposab zabiaśpiečyć doŭhaterminovy mir».
Adnosna ž taho, jaki scenaryj źmienaŭ najbolš nam pasuje, jon padkreśliŭ:
«My chočam, kab pierachod da ŭłady adbyŭsia mirnym šlacham. My musim zrabić usio, što ŭ našych siłach, kab praduchilić hramadzianskuju vajnu. My pavinny zrabić tak, kab biełarusy nie vajavali ź biełarusami. Heta samaje hałoŭnaje».
Što da nastupnikaŭ ciapierašniaha dyktatara, to:
«Nastanie momant, kali Łukašenka ŭpadzie, źniknie, budzie zabity, uciače ci niešta jašče. Zastanucca tolki dva varyjanty: ci rasijanie pasprabujuć pastavić na čale krainy svajho čałavieka, ci da ŭłady pryjdzie Cichanoŭskaja. Jana — toj čałaviek z demakratyčnaha boku, jaki moža pretendavać na ŭładu».
Pry hetym jak vialikuju pieravahu jon aceńvaje toje, što ŭ biełarusaŭ na hetym etapie jość zakonnaje pradstaŭnictva:
«Zamiežnyja lidary nazyvajuć Śviatłanu Cichanoŭskuju prezidentkaj. Za apošnija hady my dakazali, što źjaŭlajemsia nadziejnymi partniorami. U nas jość aficyjnyja adnosiny z ZŠA, Vialikabrytanijaj i Jeŭrasajuzam, my padpisali miemarandum ź Jeŭrapiejskim parłamientam. Heta vialiki pośpiech».
Heta nibyta adčuvaje i sam Łukašenka, što pradvyznačaje jahonyja pavodziny:
«Łukašenka psichuje, jon niervujecca. Jon havoryć pra Śviatłanu Cichanoŭskuju, pra zamiežnych partnioraŭ, pra Połk Kastusia Kalinoŭskaha jak pra svaje samyja strašnyja kašmary».
Franaka Viačorku ŭklučyli ŭ śpis «terarystaŭ»
Viačorka prakamientavaŭ słovy Jašyna pra toje, što Łukašenka mianiaje palitviaźniaŭ na detali dla samalotaŭ
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary