Łukašenka skazaŭ, što ludziam pavinny być pa kišeni bulba, cybula i kapusta, ale nie avakada
28 lutaha na naradzie pa novaj sistemie rehulavańnia cen Alaksandr Łukašenka padkreśliŭ, što ajčynnaja pradukcyja pavinna być ludziam pa kišeni, piša BiełTA.
Jon adznačyŭ, što ŭ cełym uzrovień inflacyi ŭ Biełarusi nievysoki, adnak pa asobnych hrupach tavaraŭ statystyka nie takaja aptymistyčnaja.
«Havorka pierš za ŭsio pra harodninu. Uzimku ceny na jaje štohod pavyšajucca na 15—20%. A što vy mnie abiacali va ŭradzie?» — źviarnuŭsia Łukašenka da čynoŭnikaŭ.
«Ja chacieŭ by, kab vy dałažyli pra situacyju i pryniatyja miery pa dastupnaści vitaminnaj pradukcyi dla nasielnictva.
I ja nie prašu vas rehulavać pryvaznuju ekzotyku — usialakija tam artyšoki ci avakada. Niachaj heta avakada kaštuje stolki, kolki kaštuje. Maja sprava — zabiaśpiečyć nasielnictva toj harodninaj i sadavinoj, jakuju my vyroščvajem u Biełarusi.
Ludziam pavinna być pa kišeni samaje prostaje — kapusta, cybula, bulba, morkva, jabłyki», — zapatrabavaŭ Łukašenka.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary