U Italii nadrukavali hazietu, jakaja całkam stvorana štučnym intelektam
Italjanskaja hazieta Il Foglio paviedamiła, što heta pieršaje ŭ śviecie vydańnie, całkam stvoranaje z dapamohaj štučnaha intelektu. Pra situacyju raspaviadaje The Guardian.
Pa słovach redaktara haziety Kłaŭdyjo Sierasa, inicyjatyva kansiervatyŭna-libieralnaj štodzionnaj haziety Il Foglio źjaŭlajecca častkaj miesiačnaha žurnalisckaha ekśpierymientu, nakiravanaha na demanstracyju ŭpłyvu technałohii štučnaha intelektu «na naš sposab pracy i našy dni».
Čatyrochstaronkavy numar haziety Il Foglio AI byŭ vydadzieny ŭ vyhladzie nievialikaha listka i z aŭtorka dastupny ŭ hazietnych kijoskach i anłajn.
«Heta budzie pieršaja ŭ śviecie štodzionnaja hazieta dla kijoskaŭ, całkam stvoranaja z vykarystańniem štučnaha intelektu. Va ŭsim. U tekście, zahałoŭkach, cytatach, reziume. A časam navat u ironii», — skazaŭ Sierasa.
Jon dadaŭ, što rola žurnalistaŭ budzie abmiežavanaja «zadańniem pytańniaŭ [z dapamohaj II-instrumienta] i čytańniem adkazaŭ».
La prima pagina del Foglio AI, il primo giornale al mondo fatto con l'intelligenza artificiale. Lo trovate per un mese all'interno del Fogliohttps://t.co/HaOiKlZRbp.. pic.twitter.com/IC0v06qbZH
Na pieršaj pałasie Il Foglio apublikavanaja kałonka pad zahałoŭkam «Pucin, 10 zdrad», u jakoj raspaviadajecca pra «20 hadoŭ niavykananych abiacańniaŭ, razarvanych pahadnieńniaŭ i addanych słovach» Pucina.
U inšym artykule, pryśviečanaj na redkaść aptymistyčnaj historyi italjanskaj ekanomiki, havorycca ab apošnim spravazdačy Nacyjanalnaha statystyčnaha ahienctva Istat ab pieraraźmierkavańni dachodaŭ, jaki pakazvaje, što kraina «mianiajecca, i nie ŭ horšy bok»: pavyšeńnie zarabotnaj płaty prykładna 750 tysiač rabotnikaŭ źjaŭlajecca adnym sa stanoŭčych efiektaŭ uviadzieńnia padachodnaha padatku reformy.
Na druhoj staroncy jość artykuł pra «situacyjnyja adnosiny» i jak maładyja jeŭrapiejcy biahuć ad pastajannych adnosin.
Adnak ni ŭ adnym z artykułaŭ, apublikavanych na staronkach navin, naŭprost nie cytujecca ni adzin čałaviek.
Ekśpierymient hazieta pravodzić u suviazi z tym, što navinavyja arhanizacyi pa ŭsim śviecie vyrašajuć, jak varta vykarystoŭvać ŠI. Raniej u hetym miesiacy The Guardian paviedamiła, što BBC News budzie vykarystoŭvać štučny intelekt dla pradastaŭleńnia publicy bolš piersanalizavanaha kantentu.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Kamientary