Minsk dasiahnuŭ miažy volnych placovak dla novaj zabudovy. Zhodna z hienieralnym płanam, da 2030 hoda ŭ horadzie zapłanavana budaŭnictva 600 tysiač kvadratnych mietraŭ žylla štohod — heta mienš, čym u papiarednija hady. Ciapier asnoŭnuju ŭvahu nadajuć rekanstrukcyi ŭžo najaŭnych terytoryj, uklučajučy znos sastarełaha žylla i sastarełych budynkaŭ, paviedamlaje BiełTA sa spasyłkaj na časopis «Ekonomika Biełarusi».
Staršynia kamiteta budaŭnictva i inviestycyj Minharvykankama Iryna Hontarava adznačyła, što kamunalnyja pradpryjemstvy budujuć kvatery ŭ asnoŭnym dla tych, chto maje patrebu ŭ palapšeńni žyllovych umoŭ. Tolki za redkim vyklučeńniem adzin ci dva damy prapanujuć na kamiercyjnaj asnovie, zvyčajna heta manalitna-karkasnyja pabudovy z parkinhami.
U hetym hodzie Minsk pieravykanaŭ płan na 11 tysiač kvadratnych mietraŭ, ale ciapier nieabchodna stvarać śpiecyjalnyja fondy dla pierasialeńnia žycharoŭ damoŭ, jakija znosiacca. Zaraz budujucca try damy ŭ mikrarajonie Łošyca i adzin na vulicy Rozy Luksiemburh.
Pierśpiektyŭnyja rajony rekanstrukcyi pryvatnaha siektara ŭ stalicy — praśpiekt Dziaržynskaha, vulicy Arłoŭskaja, Majakoŭskaha i Łošyca.
Kamiercyjnym kampanijam z aŭkcyjonu placoŭki pad zabudovu bolš nie pradajucca. Jany zaviaršajuć prajekty, pačatyja 5-10 hadoŭ tamu.
Ciapier realizujucca dva bujnyja inviestprajekty: žyły kompleks «Minsk-Śviet» i prajekt «Paŭnočny bierah». U pieršym budaŭnictva kvater praktyčna zavieršana, i ŭ pačatku nastupnaha hoda tam zastaniecca šmatfunkcyjanalnaja i administracyjnaja zabudova, ofisnyja centry. Druhi tolki pačaty: da 2040 hoda tam abiacajuć pabudavać 5 miljonaŭ kvadratnych mietraŭ.
U Smalavičach praciahvajecca budaŭnictva šmatpaviarchovych damoŭ u asnoŭnym dla šmatdzietnych siemjaŭ. U pierśpiektyvie taksama Rudziensk.
Adnak, jak padkreśliła Iryna Hontarava, tempy zabudovy abmiežavanyja mahčymaściami asnoŭnaha domabudaŭničaha kambinata AAT «MAPID».
Kala novaj stancyi mietro chočuć źnieści pryvatny siektar i dvuchpaviarchoŭki. Minčan kličuć na abmierkavańnie
Renavacyja pahražaje histaryčnym pomnikam. «Metazhodnaść ich kapramontu adsutničaje»
Zaćvierdzili Kancepcyju žyllovaj palityki da 2030 hoda
Novy ŭkaz ab arendnym žylli: chto zmoža vyrašyć kvaternaje pytańnie
Pamianialisia praviły atrymańnia dziaržpadtrymki na budaŭnictva i kuplu žylla
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary