U minskich kramach pradajecca azijackaja sadavina amal za 120 rubloŭ
U minskaj kramie pradajuć za 119,99 rubla łanhan — papularny ŭ takich azijackich krainach, jak Kitaj, Vjetnam, Tajłand. Jaho zaŭvažyli na pryłaŭku adnaho ź minskich supiermarkietaŭ sietki Green, piša Onliner.by.
Łanhan maje ščylnuju karyčnievuju łupinu, a pad joj — napaŭprazrystuju biełuju miakać z kostačkaj. U internecie smak pisvajuć jak śviežy, sałodki, z muskusnym adcieńniem i lohkaj kiślinkaj — padobny da ličy i vinahradu, ale bolš ekzatyčny. Niahledziačy na toje, što pa pamierach łanhan nahadvaje bujnuju malinu, z punktu hledžańnia bataniki jon adnosicca da fruktaŭ, a nie da jahad.
Łanhan ličycca nizkakałaryjnym praduktam — na 100 hramaŭ u im 60 kkał, 14 hramaŭ vuhlavodaŭ, 1,3 hrama białku i 0,1 hrama tłuščaŭ.
Na ŭpakoŭcy paznačana, što heta ŭradžaj 2024 hoda, a termin prydatnaści — 90 dzion z daty ŭpakoŭki. Impartuje frukt u Biełaruś kampanija TAA «Fud Sistema».
Vylecieła ŭ nieviadomym kirunku śpikierka KR Anžalika Mielnikava30
Kamientary