«Pa adčuvańniach, chvarejuć usie»: piedyjatr pra situacyju z hrypam u Biełarusi
Z hrypam u krainie adbyvajecca niešta niečuvanaje. Voś nazirańni adnaho ź biełaruskich piedyjatraŭ.
Piedyjatr adznačaje, što apošni tydzień u jaho poŭny kalidor ludziej — takoha śpiecyjalist jašče nikoli nie bačyŭ. Jon kaža, što pabačyŭ, zdajecca, usich dziaciej na svaim učastku — navat tych, zvyčajna źjaŭlajecca ŭ doktara tolki pa niejkuju daviedku, bo amal nie chvareje.
— Pa adčuvańniach, chvarejuć usie. Hryp — u 100% vypadkaŭ, ja b skazaŭ. Pry hetym dzieci doŭha nie papraŭlajucca. Šmat branchitaŭ — kłasičnych, pnieŭmakokavych, jakija iduć jak bakteryjalnaje ŭskładnieńnie paśla hrypu.
Pa słovach śpiecyjalista, pačynajecca hryp typova: mocna balić hałava i nohi (u niekatorych vypadkach baćki navat kažuć, što dzicio nie dojdzie da palikliniki), vialikaja tempieratura, pad 40, jakaja nie źbivajecca. Na fonie takoj tempieratury davoli časta byvaje i vanituje.
— Byvaje, što zdajecca situacyja narmalizujecca, na vychodnych dva dni tempieratury niama. A ŭ paniadziełak usio pačynajecca znoŭ. Plus kašal, dabaŭlajucca chrypy. U kahości pačynajecca branchit, u kahości pnieŭmanija, u kahości atyt.
Doktar prahnazuje, što paśla viasieńnich kanikuł (jany ŭžo pačalisia) situacyja pačnie lepšać, a ŭ krasaviku zachvorvańnie na hryp pojdzie na spad.
A na budučyniu śpiecyjalist zaklikaje zahadzia rabić pryščepki ad hrypu. Bo, pa jaho nazirańniach, tyja dzieci, jakija mieli pryščepki, sioleta chvarejuć lahčej.
Terapieŭty, jakija pracujuć z darosłymi, adznačajuć, što ŭ ich takoj žachlivaj situacyi nie nazirajecca.
Vylecieła ŭ nieviadomym kirunku śpikierka KR Anžalika Mielnikava30
Kamientary
Ad redaktara. Pravilna "atyt", ale "citry", "ajcišnik".
[Zredahavana]