Śviata dla ŭsich amataraŭ rovaraŭ adbudziecca 31 maja i, jak i raniej, abiacaje sabrać vialikuju kolkaść udzielnikaŭ.
Jak raspavioŭ Tochka.by hienieralny dyrektar viełakłuba «Minsk» i adzin z arhanizataraŭ fiestyvalu Alaksiej Ivanoŭ, farmat mierapryjemstva zastaniecca prykładna takim ža, jak i raniej: viełaparad, konkursy dla dziaciej i darosłych, a taksama vialiki kancert.
Prajekt «Viva Rovar», jaki tak palubili žychary i hości biełaruskaj stalicy, byŭ vymušany prypynicca z-za pandemii karanavirusa i abmiežavańniaŭ na praviadzieńnie masavych mierapryjemstvaŭ.
Ale viełaruch nie źnik. Jon, choć i stychijna, praciahvaŭ raźvivacca ŭsie hetyja hady. Z rańniaj viasny i da poźniaj vosieni rovarnyja darožki pierapoŭnienyja. Łakalnyja viełapadziei prachodzili ŭ roznych častkach horada.
«Viełakłub «Minsk» zajmajecca nie tolki raźvićciom prafiesijnaha sportu, ale i masavaha viełaruchu ŭ Biełarusi. Jak by heta pafasna ni hučała, ale ŭ hetym zaklučajecca naša sacyjalnaja misija», — padkreślivaje Alaksiej Ivanoŭ.
Jon nahadvaje, što arhanizatarami viełakarnavału tradycyjna vystupajuć: Minharvykankam, Biełaruskaja fiederacyja viełasportu, viełakłub «Minsk».
«My daŭno ŭžo chacieli adradzić tradycyju śviatočnych mierapryjemstvaŭ dla tych, chto lubić katacca na rovary. Bo heta zaŭsiody atrymlivałasia pazityŭna, jaskrava, malaŭniča, viesieła — i z dobrym paślasmakam», — adznačaje Ivanoŭ.
-
Hrodzieniec stvaryŭ dakładnuju kopiju Farnaha kaścioła ŭ minijaciury i drukuje fihurki na 3D-pryntary
-
Mikołu Dziadka nie vypuściać pa skančeńni terminu — jaho pieraviali ŭ SIZA ŭ Kaladzičach
-
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam4
Kamientary