Ministr zamiežnych spraŭ Hiermanii Analena Bierbak ździejśniła, vierahodna, svoj apošni vizit u Kijeŭ u hetym statusie. Heta ŭžo adzinaccataja pajezdka kiraŭnika MZS va Ukrainu z pačatku poŭnamaštabnaha rasijskaha ŭvarvańnia, piša Bild.
«Hiermanija pradastavić Ukrainie jašče 130 miljonaŭ jeŭra na humanitarnyja patreby i stabilizacyjnyja miery», — zajaviła Bierbak ŭ Kijevie.
Kiraŭnik MZS padkreśliła, što padtrymka asabliva važnaja na fonie «tupika ŭ stasunkach pamiž ZŠA i Rasijaj». Pavodle jaje słoŭ, Rasija praciahvaje ciahnuć čas, vysoŭvajučy ŭsio novyja ŭmovy, i nie hatovaja da sapraŭdnych pieramovaŭ.
«Pucin chacieŭ zavajavać Kijeŭ i Ukrainu za try dni. Paśla bolš čym troch hadoŭ žorstkaj rasijskaj ahresii bolš čym vidavočna — płan Pucina pravaliŭsia. Jon uciahnuŭ nie tolki Ukrainu, ale i Rasiju ŭ žorstkuju vajnu na źniasileńnie, u jakoj jon nie pieramoža», — dadała Bierbak.
Na nastupnaj sustrečy ministraŭ zamiežnych spraŭ NATO, jakaja projdzie ŭ Bruseli, Bierbak maje namier papiaredzić amierykancaŭ, što «na zaciahvańnie času z boku Pucina nielha paddavacca». Pavodle jaje słoŭ, navat paśla źmieny ŭrada ŭ Hiermanii padtrymka Ukrainy zastaniecca «rašučaj i maštabnaj»
-
Pamiatajecie staršyniu Hieraldyčnaj rady, jakaja raspracoŭvała dyzajn pašparta «Novaj Biełarusi»? Mikita Zabuha pajšoŭ vajavać
-
Minčuk Žerar, kamandzir padraździaleńnia «Tur», raskazaŭ, jak adnojčy ledź nie zahinuŭ pad Mikałajevam, a druhi raz — pad Bachmutam
-
Hetaj nočču rasijskaja armija nie atakavała Ukrainu ŭdarnymi bieśpiłotnikami
Kamientary