На аўкцыён выставілі былы жылы корпус кляштара кармелітаў у Глыбокім 1735 года. На лот звярнуў увагу «Анлайнер».
Знаходзіцца будынак на Плошчы 17 верасня, 3а.
Будынак двухпавярховы, плошчай 1280 «квадратаў», цяпер закансерваваны. Складзены з цэглы, стаіць на бута-цагляным падмурку.
Гэта гісторыка-культурная каштоўнасць, таму прадаўцу трэба будзе заключыць ахоўнае абавязацельства. Не пазней чым праз 12 месяцаў з дня заключэння дагавора новы ўладальнік павінен звярнуцца ў Мінкульт па дазвол на рамонтна-рэстаўрацыйныя работы.
Раней паведамлялася, што манастырскі корпус можна будзе выкарыстоўваць пад прадпрымальніцкую дзейнасць, у тым ліку пад паслугі ў сферы агратурызму або рамесніцтва. Чарговы аўкцыён пройдзе 30 лістапада.
Будынак зноў выставілі на таргі за адну базавую, на сёння гэта ўсяго 37 рублёў.
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка34
Каментары