Prostaja zapiakanka z kurycy i bulby, jakija zastalisia sa śviatočnaha stała
Učarašniaja kuryca moža stać suchavataj i presnaj, ale, kali złučyć jaje z kremavym sousam i zapiekčy da załacistaj skarynki, jana zdabudzie novaje žyćcio. Pieratvarycie reštki ježy ŭ novuju stravu, jakaja spadabajecca ŭsioj siamji.
Hety recept možna raznastaić mnostvam sposabaŭ, uzmacniajučy smak. Kali raptam u vas taksama zastałasia tušanaja harodnina, dadajcie jaje — abo žmieniu zialonaha harošku. Kali vy lubicie bolš sakavityja zapiakanki, padvojcie kolkaść muki i małaka ŭ hrybnym sousie. Syr čedar možna zamianić lubym inšym abo źmiašać jaho roznyja hatunki.
Zapiakanka — heta sytnaja i nasyčanaja strava, tamu jana lepš za ŭsio spałučajecca ź niečym śviežym i zialonym — prostaj sałataj, brokali abo sparžaj.
Kab zrabić zapiakanku ź niedajedkaŭ śviatočnaha stała, a dakładniej — kurycy i bulby, spatrebicca:
- 3 stałovyja łyžki niesalonaha masła
- prykładna 220 h narezanych hryboŭ
- 1 kubak parezanaj cybuli
- 2 stałovyja łyžki muki
- 1 šklanka małaka (abo viarškoŭ)
- śviežamołaty čorny pierac
- sol
- 2 šklanki narezanaj kubikami advarnoj bulby
- 2 šklanki narezanaj kubikami hatovaj kurycy
- 1 šklanka miakkich panirovačnych sucharoŭ (pa žadańni)
- 2 stałovyja łyžki rastoplenaha niesalonaha masła (pa žadańni)
- 1 šklanka ciortaha syru čedar (abo inšaha), pa žadańni
Jak hatavać:
1. Padrychtujcie inhredyjenty.
2. Razahrejcie duchoŭku da tempieratury 180 °C. Źlohku vyšmarujcie formu dla zapiakańnia.
3. Razahrejcie 3 stałovyja łyžki niesalonaha masła ŭ vialikaj ciažkaj patelni na siarednim ahni. Dadajcie hryby, narezanyja łustačkami, i 1 šklanku drobna narezanaj cybuli i hatujcie, pakul jany nie stanuć miakkija i źlohku załacistyja, kala 8 chvilin.
4. Usypcie ŭ patelniu 2 stałovyja łyžki muki. Hatujcie, pamiešvajučy, 1-2 chviliny.
5. Pastupova ŭlicie 1 šklanku małaka i, pamiešvajučy, hatujcie, pakul sumieś nie zhuśnie, 3-5 chvilin. Dadajcie śviežamołaty čorny pierac i sol pa smaku.
6. U padrychtavanaj formie dla zapiakańnia źmiašajcie 2 šklanki narezanaj kubikami varanaj bulby, 2 šklanki narezanaj kubikami varanaj kurycy i hrybnuju sumieś dla padliŭki.
7. Kali vykarystoŭvajecie panirovačnyja suchary, źmiašajcie 1 šklanku miakkich panirovačnych sucharoŭ z 2 stałovymi łyžkami rastoplenaha niesalonaha masła da atrymańnia adnastajnaj masy.
8. Pasypcie zapiakanku panirovačnymi sucharami abo 1 šklankaj ciortaha syru čedar (ci inšaha).
9. Zapiakajcie 25-30 chvilin, pakul strava nie stanie haračaj abo nie pačnie puzyrycca.
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi62
Kamientary