U centry Ryhi źjaviŭsia pomnik šeramu katu z multfilma, što pretenduje na «Oskar»
U Ryzie kala pomnika Svabody na adnoj ź litar u nadpisie RĪGA źjaviŭsia ciomna-šery kot z animacyjnaha filma Hinta Ziłbaładzisa «Płyń», paviedamlaje staličnaje samakiravańnie.
Akramia taho, vulicy horada ŭpryhožvajuć płakaty ź piersanažami multfilma — Sabakam, Kapibaraj, Lemuram i Ptuškaj, paviedamlaje «Novaja hazieta Bałtyja».
U pačatku studzienia ŭ Ryzie źjaviłasia hrafici z katom z «Płyni», stvoranaje vuličnym mastakom Kiwie.
Łatvijski animacyjny film «Płyń» (Straume) staŭ samym naviedvalnym u łatvijskich kinateatrach i kinateleatrach — jaho pahladzieli 255 tysiač hledačoŭ. Heta novy rekord pa kolkaści hledačoŭ u historyi łatvijskaha kino paśla adnaŭleńnia niezaležnaści.
«Płyń» zavajavaŭ 60 mižnarodnych uznaharod, u tym liku «Załaty hłobus», a taksama naminavany na dźvie ŭznaharody Amierykanskaj kinaakademii «Oskar». Uručeńnie premij «Oskar» projdzie 2 sakavika ŭ Łos-Andželesie.
Multfilm raspaviadaje pra toje, jak u sučasnaści adbyŭsia novy suśvietny patop, i Kot, Kapibara, Sabaka, Lemur i Ptuška-sakratar musiać supolna vyrašyć, jak vyratavacca.
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi67
Kamientary
Viadoma, što "niejdzie", inšamu aŭtaru, advalvali, za jahonych Čaburašak, i navat za vykarystańnie jmia hieroja ŭ jakaści nazvaŭ kafe dy inšaha dziciačaha...