Son bieź nižniaj bializny — heta tema, jakaja dahetul vyklikaje šmat emocyj i abmierkavańniaŭ. Nasupierak raspaŭsiudžanym aściaroham, ekśpierty ŭ halinie seksualnaha zdaroŭja i snu adznačajuć šmatlikija pieravahi admovy ad bializny padčas načnoha adpačynku. Jakija arhumienty havorać na karyść takoha vybaru?
Strach pierad snom bieź nižniaj bializny časta źviazany z kulturnymi tabu i niedachopam viedaŭ pra hienitalii. Takoje mierkavańnie ŭ intervju vydańniu El País vykazvaje seksołah i aŭtarka knihi «Dzikaja žanockaść: Manifiest ułasnaj seksualnaści» (aryhinalnaja nazva: Feminidad salvaje: Manifiesto de una sexualidad propia) Sonia Ensinas (Sonia Encinas).
«Dla žančyn son bieź nižniaj bializny — heta, jak praviła, pytańnie kultury. Jość strach pierad hienitalijami, vyklikany seksualnymi tabu, praź jakoje my ŭsprymajem ich jak niešta brudnaje. Akramia taho, praź niedachop viedaŭ my ličym, što heta nadzvyčaj adčuvalnaja zona», — tłumačyć Sonia Ensinas.
Tym nie mienš, «z punktu hledžańnia seksualnaha dabrabytu son bieź bializny nie maje nijakich niehatyŭnych nastupstvaŭ. Naadvarot, jon moža prynieści šmat pieravah, takich jak lepšy adpačynak, źnižeńnie stresu i navat pavyšeńnie libida», — śćviardžaje ekśpiertka.
Son bieź nižniaj bializny i ryzyka infiekcyj
Hiniekołah Łajoła Harsija-Atanse (Loyola García-Atance), jakaja śpiecyjalizujecca na intymnaj dermatałohii i łaziernaj terapii ŭ Clínica Dermatológica Internacional (Madryd, Ispanija), adznačaje, što admova ad bializny padčas snu moža źnizić ryzyku infiekcyj, asabliva ŭ žančyn, schilnych da takich prablem, jak kandydoz. «Pravietryvańnie» intymnych zon pamianšaje vilhotnaść, što źjaŭlajecca klučavym faktaram u prafiłaktycy infiekcyj.
«Dla bolšaści žančyn, jakija nie majuć chraničnych hiniekałahičnych zachvorvańniaŭ, niama istotnaj roźnicy, śpić jana ŭ bialiźnie ci nie. Adnak dla žančyn, jakija pakutujuć ad recydyvaŭ infiekcyj vonkavych pałavych orhanaŭ i pochvy, admova ad nižniaj bializny moža być karysnaj», — tłumačyć Harsija-Atanse.
Adzin z raspaŭsiudžanych arhumientaŭ na karyść snu biez adzieńnia — toje, što jon dazvalaje pochvie «dychać». Choć skura vonkavych pałavych orhanaŭ i sama pochva faktyčna nie dychajuć, vientylacyja skury sapraŭdy maje značeńnie.
«Potavydzialeńnie i vientylacyja — klučavyja faktary dla arhanizma», — tłumačyć Harsija-Atanse. «Asabliva heta tyčycca hienitalij — zony sa składkami skury, vałasami i vilhotnym asiarodździem, što robić jaje idealnym miescam dla raźvićcia hrybkoŭ i bakteryj. Palapšeńnie ŭmoŭ u hetaj vobłaści značna źnižaje ryzyku infiekcyj».
Jak son biez adzieńnia ŭpłyvaje na jakaść snu?
Daśledavańni Sleep Foundation pakazvajuć, što pravilnaja termarehulacyja cieła padčas snu vielmi važnaja dla jaho jakaści. Son biez adzieńnia dapamahaje padtrymlivać aptymalnuju tempieraturu, što spryjaje lepšamu adpačynku i adnaŭleńniu arhanizmu.
«Zachavańnie pravilnaj tempieratury cieła dapamahaje zasnuć i padtrymlivać son na praciahu ŭsioj nočy. Palepšyŭšy adpačynak i jakaść snu, my pavyšajem intelektualnuju pracazdolnaść», — adznačaje Harsija-Atanse.
Mienš stresu — vyšejšaje libida
National Sleep Foundation padkreślivaje, što son biez adzieńnia moža rehulavać uzrovień kartyzołu — harmonu stresu. Aptymalnaja tempieratura cieła padčas snu spryjaje źnižeńniu arteryjalnaha cisku, pamianšeńniu apietytu i palapšeńniu libida.
Sonia Ensinias tłumačyć, što «vyzvaleńnie pałavych orhanaŭ ad cisku bializny abo ciesnaj tkaniny dapamahaje nam lepš usprymać pryjemnyja adčuvańni».
Łajoła Harsija-Atanse dadaje, što daśledavańni pakazali: heta taksama stanoŭča ŭpłyvaje na samaacenku, uzmacniaje kantakt «skura da skury» z partnioram, što, u svaju čarhu, pavialičvaje seksualnaje žadańnie.
«Son biez adzieńnia pobač z partnioram moža ŭzmacnić pačućcio zadavalnieńnia i ŭmacavać suviaź u pary. Partniory, jakija čaściej znachodziacca ŭ kantakcie «skura da skury», adčuvajuć mienš stresu i stanoviacca bližejšymi adzin da adnaho. Taki kantakt spryjaje vypracoŭcy aksitacynu — harmonu ščaścia, jaki pavyšaje pačućcio biaśpieki i lubovi, a taksama źnižaje tryvožnaść. Akramia taho, admova ad adzieńnia padčas snu moža dapamahčy vam adčuvać siabie bolš upeŭniena ŭ svaim ciele.
Čym čaściej čałaviek znachodzicca biez adzieńnia ŭ prysutnaści inšych, tym vyšejšaja jahonaja samaacenka i bolš pazityŭnaje ŭsprymańnie ŭłasnaha cieła», — padkreślivaje Harsija-Atanse.
Jak vybrać bializnu dla snu?
Kali ž vy addajacie pieravahu snu ŭ nižniaj bialiźnie, ekśpierty rajać vybirać svabodnyja madeli z naturalnych tkanin, naprykład, z bavoŭny. Varta paźbiahać ciesnaha i sintetyčnaha adzieńnia, jakoje moža paharšać cyrkulacyju pavietra i vyklikać razdražnieńnie skury.
Takim čynam, son bieź nižniaj bializny — heta nie tolki pytańnie asabistaha kamfortu, ale i zdarovy vybar, jaki moža prynieści šmat karyści. Adnak hałoŭnaje — prysłuchoŭvacca da svaich adčuvańniaŭ i vybirać toje, što najlepš padychodzić mienavita vam.
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary