Za kolki pradajuć chruščoŭki, jakija ŭłady padumvajuć znosić

Cahlanyja chruščoŭki — redkaść

Chruščoŭki budavali z 1955 pa 1977 hady. U Minsku naličvajecca amal 1100 takich budynkaŭ, što składaje kala 16% ad ahulnaha žyllovaha fondu stalicy. Bolšaść chruščovak u Minsku panelnyja — 890 štuk.

Amal kožnaja piataja kvatera, pradadzienaja ŭ Minsku, heta chruščoŭka.

Raniej u «Biełžyłprajekcie» raspaviadali, što termin słužby takich damoŭ składaje 125 hadoŭ.

Što pačym?

Ceny na adnapakajovyja chruščoŭki ŭ Minsku startujuć z 50 tysiač dalaraŭ. Stolki prosiać za kvatery, jakija patrabujuć nieadkładnaha ramontu. 

Pavialičyć

Bolšaść adnapakajovych chruščovak u stalicy pradaŭcy aceńvajuć u dyjapazonie 55-60 tysiač dalaraŭ.

Siaredni košt mietra ŭ takich kvaterach pavodle realnych ździełak składaje kala 1700$. Ahułam pa horadzie kvadrat u adnapakajoŭkach kaštuje 1780$. 

Ceny na dvuchpakajovyja chruščoŭki ŭ Minsku pačynajucca z 55 500 dalaraŭ. 

Naprykład, stolki prosiać za kvateru pa adrasie Haładzieda, 25. Mieścicca jana na piatym paviersie panelnaha doma, jaki jašče nie prajšoŭ praz kapramont. Ramont u pamiaškańni taksama vielmi stary. Padłoha draŭlanaja, a ŭ haścioŭni staić staroje draŭlanaje akno. 

Pavialičyć

Alo ŭ hetaj kvatery jość prynamsi adzin plus — płaniroŭka, bo ŭ joj niama prachadnych pakojaŭ. Ahulnaja płošča takoj kvatery składaje 44,5 m². 

Kvatery ŭ centry Minska ŭ damach paśla kapramontu pradajuć pa cenach ad 75 tysiač. 

Pavialičyć

Siaredni košt mietra ŭ dvuchpakajovych chruščoŭkach składaje 1420 dalaraŭ. Tady jak ahułam u dvuškach pa Minsku — 1555 dalaraŭ, što amal na 10% daražej.

Ceny na chruščoŭki z tryma pakojami startujuć ad 65 000 dalaraŭ. Stolki prosiać za typovyja «babušatniki», jakija patrabujuć kapitalnaha ramontu. 

Pavialičyć

Trochpakajoŭki, jakija pradajuć pa cenach da 70 tysiač dalaraŭ, možna pieraličyć na palcach.

Siaredni košt mietra ŭ takich kvaterach pavodle realnych ździełak składaje 1330 dalaraŭ. Ahułam ža pa Minsku kvadrat u trochpakajoŭkach pradajecca ŭ siarednim za 1430 dalaraŭ.

Adnak chapaje varyjantaŭ, jakija aceńvajuć u bolš jak 100 tysiač dalaraŭ. Tak, naprykład, trochpakajovuju chruščoŭku na 58,4 m² pa adrasie Partyzanski praśpiekt, 39 pradajuć za 115 tysiač. 

Pavialičyć

Na vysokuju canu paŭpłyvali adrazu niekalki faktaraŭ: raźmiaščeńnie ŭ centralnaj častcy horada, pierapłaniroŭka i dobry sučasny ramont. U dadatak sam dom cahlany, a nie panelny, dy jašče i paśla kapitalnaha ramontu ŭ 2023 hodzie.

Pahladzieć, jak biełarusy robiać z chruščovak sučasnyja jeŭrakvatery možna tut. 

• 1
• 0
• 1
• 3
• 1
• 1
• 1
• 0