Vučonyja, jakija vyvučali pary ź biaspłodnaściu, śćviardžajuć, što jakaść śpiermy moža być indykataram budučych zachvorvańniaŭ.
Jak piša The Telegraph, dackija vučonyja praviali daśledavańnie, jakoje ŭpieršyniu vyjaviła suviaź pamiž jakaściu śpiermy i praciahłaściu žyćcia mužčyn.
Daśledavańnie achapiła 78 284 mužčyn, jakaść śpiermy (abjem nasiennaj vadkaści, kancentracyja śpiermatazoidaŭ, dola ruchomych abo aktyŭnych śpiermatazoidaŭ narmalnaj formy) jakich aceńvałasia ŭ pieryjad z 1965 pa 2015 hod u dziaržaŭnaj łabaratoryi analizu śpiermy ŭ Kapienhahienie.
Usie jany prachodzili abśledavańnie ŭ suviazi ź biaspłodnaściu ŭ pary. Pakolki ŭ niekatorych vypadkach prablemy z začaćciem byli źviazanyja z žančynami, uzrovień jakaści śpiermy ŭ mužčyn varjiravaŭsia ad vielmi vysokaha da poŭnaj adsutnaści śpiermatazoidaŭ.
Za 50 hadoŭ nazirańnia pamierli kala 11% mužčyn. Analiz dadzienych pakazaŭ — čym nižejšaja jakaść śpiermy, tym mienšaja čakanaja praciahłaść žyćcia. Mužčyny z samaj vialikaj kolkaściu i samymi zdarovymi śpiermatazoidami žyli ŭ siarednim na 2—3 hady daŭžej za tych, čyja śpierma mieła horšyja pakazčyki.
Hety efiekt nie zaležaŭ ad najaŭnaści zachvorvańniaŭ na praciahu 10 hadoŭ da analizu śpiermy abo ŭzroŭniu adukacyi mužčyn. Tak, mužčyny, u jakich kolkaść ruchomych śpiermatazoidaŭ u ejakulacie pieravyšała 120 miljonaŭ, žyli ŭ siarednim na 2,7 hoda daŭžej, čym tyja, u kaho ich było ad 0 da 5 miljonaŭ.
Ekśpierty miarkujuć, što schavanyja prablemy sa zdaroŭjem, takija jak hienietyčnyja defiekty pałavych chramasom abo asłableny imunitet, mohuć być pryčynaj biaspłodnaści. Heta aznačaje, što analiz śpiermy moža słužyć rańnim indykataram mahčymych zachvorvańniaŭ.
Dalejšyja daśledavańni buduć nakiravanyja na vyjaŭleńnie suviazi pamiž nizkaj jakaściu śpiermy i śmiarotnaściu ad peŭnych zachvorvańniaŭ, takich jak rak abo chvaroby serca.
Śpiecyjalisty taksama razhladajuć akiślalny stres jak mahčymy faktar, što ŭpłyvaje i na śpiermatahieniez, i na ahulny praces stareńnia. U budučyni mohuć być raspracavanyja mietady prafiłaktyki, nakiravanyja na palapšeńnie repraduktyŭnaha i ahulnaha zdaroŭja mužčyn.
Vučonyja zafiksavali, jak śpiermatazoidy parušajuć adzin z zakonaŭ fiziki
Sabrali ŭsio, što treba viedać pra donarstva śpiermatazoidaŭ i jajcakletak
Intensiŭnaść vykarystańnia mabilnika ŭpłyvaje na jakaść śpiermy — navukoŭcy
Instytut fizijałohii AN: U pałovy biełaruskich i rasijskich mužčyn niajakasnaja śpierma
Navukoŭcy: źmianšeńnie vypracoŭki śpiermatazoidaŭ pahražaje čałaviectvu vymirańniem
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary