U pieśni jość takija radki: «I idiot biełorusskij narod tviordym šahom za baťkoj svoim».
Premjera pieśni «Naš puť» adbyłasia na kancercie da Dnia kanstytucyi Respubliki Biełaruś u Minskim haradskim pałacy kultury.
Praśpiavać čarhovuju chvalebnuju odu Łukašenku vyjšli Andrej Kołasaŭ, Volha Zmurščyk, Rusłan Bierazoŭski, a taksama dzieci z tvorčaj majsterni «Chvilinka». Aŭtar słoŭ i muzyki — babrujski šansańje Vital Hardziej.
Pačynajecca kampazicyja maksimalna pafasna:
— Niet śviaŝieńniej i jarčie ohnia
Našiej viery, čto v sierdcie živiot.
Nietu bližie strany dla mienia,
Sinieokoj, hdie sierdcie mojo.
Supravadžałasia ŭsio hety hihanckimi zdymkami Łukašenki na ekranie.
A dalej pačalisia kamplimienty.
— Jesť choziain na etoj ziemle.
Silnyj lidier na zavisť vraham.
On skazał: «Budiet chleb na stole».
On skazał: «Ja stranu nie otdam».I idiot biełorusskij narod
Tviordym šahom za baťkoj svoim.
I uvierienno smotrit vpieriod
Znaja točno: dobro pobiedit.
Dla samoha Vitala Hardzieja heta nie pieršaja liślivaja kampazicyja, jakuju toj pryśviaciŭ Łukašenku. Letaś praŭładnaja śpiavačka Hanna Trubiackaja prezientavała jaho pieśniu «Pomnim», dzie Hardziej navat zakłaŭ vieršavany namiok na 2020 hod.
I pieśnia «Nado!», jakoj Łukašenku zaachvočvali iści na vybary, taksama jaho aŭtarstva.
Na svaim aficyjnym sajcie šansańje piša, što robić «sapraŭdny šanson dla sapraŭdnych ludziej». Jak šansańje Vital aktyŭna vystupaje ŭ Rasii, ale i na radzimie nie zabyvaje zarablać, tamu čas ad času piša biełaruskamoŭnyja pieśni. Na temie vajny Hardziej taksama papijaryŭsia — vypuściŭ pieśniu «Vozvraŝajtieś», pryśviečanuju ruskim vajskoŭcam.
Raniej Vital prafiesijna zajmaŭsia boksam i hulaŭ u KVZ. A z 2013 hoda źjaŭlajecca hanarovym členam mižnarodnaj arhanizacyi łysych mužčyn Brutalmen.
Biełaruski śpiavak, jaki chacieŭ «zamuž za Buzavu», pryśviaciŭ pieśniu Łukašenku i Pucinu
«Boža, daj zdaroŭja, Baćka darahi». Śpiavak Hierman Citoŭ zapisaŭ pieśniu dla Łukašenki
«Baťka u nas krutoj, v mirie odin takoj». Łukašenku pryśviacili čarhovuju kryndžovuju pieśniu
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku
Vylecieła ŭ nieviadomym kirunku śpikierka KR Anžalika Mielnikava30
Kamientary