Niekatorych dzikich žyvioł u biełaruskich lasach stała značna bolš za apošnija 30 hadoŭ. Praŭda, nie ŭsie adčuvajuć siabie kamfortna.
Za 30 hadoŭ kolkaść vysakarodnych aleniaŭ u biełaruskich lasach pavialičyłasia ŭ 11 razoŭ. Pra heta raspavioŭ načalnik adździeła palaŭničaj haspadarki Minlashasa Alaksandr Kazarez.
Papulacyja aleniaŭ vyrasła z 4,5 tysiačy da 50,5 tysiačy asobin. Heta adzin z samych jarkich prykładaŭ adnaŭleńnia bijałahičnaha vidu na terytoryi Biełarusi za taki karotki termin, adznačyli ŭ Minlashasie.
Značna pavialičyłasia i papulacyja łasia — ich stała bolš u 3,6 raza: z 13 tysiač da 47,5 tysiačy asobin. Ale ŭ apošni čas łasi adčuvajuć siabie ŭ Biełarusi nie vielmi kamfortna.
«Hety vid vielmi važny dla barealnych lasoŭ, dla našaj paŭnočnaj častki Biełarusi. Siońnia, u miežach paciapleńnia klimatu, jany nie vielmi kamfortna adčuvajuć siabie na terytoryi Biełarusi, ale miery, jakija prymajucca pa kiravańni papulacyjaj, resursami, dazvalajuć hetamu vidu dynamična pavialičvać svaju kolkaść i vykarystoŭvacca, u tym liku», — raspavioŭ Kazarez.
Pavialičyłasia ŭ Biełarusi i kolkaść kazul. Ich stała ŭ čatyry razy bolš: z 34 tysiač da 138 tysiač asobin.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin13
Kamientary
Zaraz śledam pačnuć množycca drapiežniki - vaŭki i miadźviedzi. Ŭ les nie zojdzieš.
Pry vysiakańni lasoŭ, starych lasoŭ šmatlikija drapiežniki pryjduć ŭ nasielennyja punkty i na fiermy.