Apublikavany ŭkaz Łukašenki «Ab strachavańni». Jak paviedamili ŭ Hałoŭnym upraŭleńni Dziaržaŭtainśpiekcyi MUS, dakumient ustupaje ŭ siłu 23 krasavika.
Zhodna ź im pavyšajecca limit strachavoj vypłaty pry afarmleńni DTZ biez vykliku DAI — da 150 bazavych vieličyń (pryblizna 6,3 tysiačy rubloŭ). Ciapierašni limit składaje 800 jeŭra (na siońnia 2700 rubloŭ), paviedamlaje pres-słužba MUS.
Siarod pieravah afarmleńnia DTZ šlacham samastojnaha zapaŭnieńnia Jeŭrapratakoła — chutkaść i zručnaść, bo kiroŭcam nie treba čakać supracoŭnikaŭ DAI. Pry hetym strachavalnik vypłačvaje paciarpiełamu strachavoje pakryćcio na padstavie Jeŭrapratakoła, a vinavaty nie pryciahvajecca da administracyjnaj adkaznaści.
Akramia taho, ukazam praduhledžana vypłata paciarpiełym u vypadku pryčynieńnia škody žyćciu abo zdaroŭju ŭ vyniku DTZ z udziełam dzikich žyvioł. Pry hetym kampiensacyja škody majomaści nie praduhledžvajecca.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary