Uśled za Minskaj vobłaściu ŭłady Mahiloŭskaj vobłaści taksama abjavili ab pavyšeńni taryfaŭ na prajezd u hramadskim transparcie. Novyja ceny, jak čakajecca, pačnuć dziejničać z 29 sakavika 2025 hoda.
U Mahiloŭskaj vobłaści źmieniacca taryfy na haradskija i pryharadnyja pieravozki pasažyraŭ. Adpaviednaje rašeńnie pryniata Mahiloŭskim abłvykankamam, piša Mogilevnews.
Cana prajezdu ŭ haradskim transparcie (aŭtobusach i tralejbusach) pavialičycca 80 da 90 kapiejek za pajezdku. Dla ekspresnych maršrutaŭ taryf padnimiecca z 0,90 da 1 rubla.
Źmieny zakranuć taksama pryharadnyja pieravozki. Cana adnaho kiłamietra prajezdu na zvyčajnych maršrutach vyraście z 0,10 da 0,11 rubla, na chutkasnych — z 0,12 da 0,13 rubla, na ekspresnych — z 0,13 da 0,14 rubla. Anałahičnaje pavyšeńnie čakajecca na dadatkovych rejsach.
Učora stała viadoma, što daražeje prajezd u Minskaj vobłaści.
Kamientary