Гэта ўжо трэці авіяцыйны інцыдэнт у ЗША за апошнія дні.
Самалёт, на борце якога знаходзіліся дзесяць чалавек, знік без вестак у чацвер падчас пералёту праз заліў Нортан-Саўнд на Алясцы, на поўдзень ад Палярнага кола. Пошукавыя аперацыі працягваліся да позняй ночы, піша «Голас Амерыкі».
Самалёт авіякампаніі Bering Air накіроўваўся з Уналакліта ў Ном.
На борце знаходзіліся дзевяць пасажыраў і пілот. Улады спрабуюць усталяваць апошнія вядомыя каардынаты самалёта.
Гэта трэці авіяцыйны інцыдэнт у ЗША за некалькі дзён. 29 студзеня недалёка ад Вашынгтона сутыкнуліся пасажырскі самалёт і ваенны верталёт — загінулі 67 чалавек.
31 студзеня ў Філадэльфіі разбіўся медыцынскі транспартны самалёт, у выніку чаго загінулі шэсць чалавек на борце і адзін на зямлі.
6 лютага знік Cessna Caravan, які ляцеў з Уналакліта.
Паводле Bering Air, самалёт Cessna Caravan вылецеў з Уналакліта ў 14:37, і менш чым праз гадзіну з ім знікла сувязь.
Паводле Берагавой аховы ЗША, самалёт знаходзіўся за 19 км ад узбярэжжа, калі перастаў выходзіць на сувязь.
З-за кепскага надвор'я і дрэннай бачнасці магчымасці паветранага пошуку абмежаваныя.
Жыхарам рэкамендавалі не арганізоўваць самастойныя пошукавыя групы праз небяспечныя ўмовы надвор'я.
Надвор'е ў момант вылету: -8,3°C
Цяпер чытаюць
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка15
Каментары