Hałoŭnaha redaktara ŭralskich «Viačernich viedamaściej» Uładzisłava Postnikava dastavili ŭ adździeł pa vykanańni administracyjnaha zakanadaŭstva UMUS Jekacierynburha dla składańnia pratakoła ab administracyjnym pravaparušeńni, ale jon uciok pierad pačatkam pasiadžeńnia ŭ Akademičnym rajonnym sudzie horada, piša «Kommiersant».
Advakat Postnikava Hieorhi Krasnoŭ raspavioŭ «Miedyjazonie», što žurnalist «nie staŭ udzielničać u afarmleńni pratakoła, bo jaho aficyjna nie vyklikali».
«Kali jaho ŭ vyznačanym paradku vykličuć na składańnie pratakoła, tady jon i źjavicca. Pratakoły dastaŭleńnia i zatrymańnia nie składalisia», — dadaŭ advakat.
Siońnia Postnikaŭ musiŭ vyjści na volu paśla miesiaca, praviedzienaha ŭ śpiecpryjomniku ŭ Nižnim Tahile. Sud dvojčy prysudžaŭ jamu pa 14 sutak administracyjnaha aryštu za pratakoły pra demanstracyju «ekstremisckaj» simvoliki. Padstavaj dla hetaha stali jaho staryja dopisy ŭ telehram-kanale.
Kamientary