Галоўнага рэдактара ўральскіх «Вячэрніх ведамасцей» Уладзіслава Постнікава даставілі ў аддзел па выкананні адміністрацыйнага заканадаўства УМУС Екацерынбурга для складання пратакола аб адміністрацыйным правапарушэнні, але ён уцёк перад пачаткам пасяджэння ў Акадэмічным раённым судзе горада, піша «Коммерсант».
Адвакат Постнікава Георгі Красноў распавёў «Медыязоне», што журналіст «не стаў удзельнічаць у афармленні пратакола, бо яго афіцыйна не выклікалі».
«Калі яго ў вызначаным парадку выклічуць на складанне пратакола, тады ён і з’явіцца. Пратаколы дастаўлення і затрымання не складаліся», — дадаў адвакат.
Сёння Постнікаў мусіў выйсці на волю пасля месяца, праведзенага ў спецпрыёмніку ў Ніжнім Тагіле. Суд двойчы прысуджаў яму па 14 сутак адміністрацыйнага арышту за пратаколы пра дэманстрацыю «экстрэмісцкай» сімволікі. Падставай для гэтага сталі яго старыя допісы ў тэлеграм-канале.
Цяпер чытаюць
«Людзі хочуць перамоваў з тымі, хто марыць іх знішчыць фізічна». Гутарка з Аляксандрам Кабанавым пра жыццё, «Белпол» і разыходжанне з Пятрухіным3
Каментары