Трамп сцвярджае, што ЗША выдзелілі на Украіну значна больш грошай, чым Еўропа. Лічбы кажуць пра адваротнае
Ваенная дапамога для Украіны ад ЗША і ад еўрапейскіх краін амаль раўназначная, а ў фінансавым і гуманітарным плане Еўропа ідзе наперадзе.
Спрэчная заява Трампа была апублікаваная 19 лютага. У сваім пасце на Х прэзідэнт ЗША адзначыў, што яго краіна для Украіны «выдаткавала на 200 мільярдаў долараў больш, чым Еўропа».
Але гэта не так, і даказваецца лічбамі.
— Donald J. Trump (@realDonaldTrump) February 19, 2025
14 лютага Кільскі інстытут сусветнай эканоміцы (Германія) апублікаваў новую аналітыку па грошах, якія атрымала Украіна за тры гады: з 22 студзеня 2022 года па 31 снежня 2024 года.
Па даных інстытута, еўрапейскія донары сталі асноўнай крыніцай дапамогі Украіне з 2022 года — асабліва ў фінансавым і гуманітарным трэку.
Што тычыцца ваеннай дапамогі, то падтрымка Еўропы ў памеры 62 мільярдаў еўра знаходзіцца прыблізна на тым жа ўзроўні, што і падтрымка Злучаных Штатаў, якія выдзелілі 64 мільярды еўра.
Пры гэтым Еўропа даўно перасягнула ЗША ў фінансавай і гуманітарнай дапамозе ў асігнаванні (мэтавым накіраванні) — 70 мільярдаў еўра супраць амерыканскіх 50 мільярдаў.
Агульны аб'ем замежнай падтрымкі для Украіны ад усіх краін-донараў — 267 мільярдаў еўра. Што значыць прыблізна па 80 мільярдаў еўра ў год.
Але калі лічыць гэтыя грошы ў працэнтах ад ВУП (валавога ўнутранага прадукту) атрымаецца, што толькі краіны Скандынавіі і Усходняй Еўропы прыкладаюць значныя намаганні для падтрымкі Украіны.
Буйныя донары накшталт Германіі, ЗША ці Вялікабрытаніі вылучаюць менш за 0,2% ВУП у год. Францыя, Іспанія ці Італія робяць яшчэ менш, выдаткоўваючы каля 0,1% ВУП у год.
Па меркаванні экспертаў Кільскага інстытута, гэта больш падобна да «хобі», чым да рэальных фінансавых намаганняў. Сумы такой дапамогі можна параўнаць з урадавымі праектамі субсідзіравання службовых аўтамабіляў.
Больш за тое, дапамога ад ЗША перыядычна стагніравала.
Еўрапейская дапамога няўхільна расла, а аб'ём неваеннай дапамогі ЗША не павялічваўся на працягу 9 месяцаў і аднавіўся толькі ў канцы 2024 года.
Лідарам дапамогі сярод еўрапейскіх краін сталі: Германія, Вялікабрытанія, Данія, Нідэрланды, Швецыя, Польшча і Францыя.
Некаторыя з краін, як Данія, у якасці ваеннай дапамогі пачалі закупляць зброю наўпрост ва ўкраінскіх вытворцаў. Эксперты лічаць, што такая «дацкая мадэль» магла б дапамагчы пастаўляць зброю танней і хутчэй.
У лютым 2024 года Кільскі інстытут папярэджваў, што для таго, каб замясціць амерыканскую дапамогу, Еўропа павінна павялічыць свае выдаткі на Украіну ў два разы.
19 лютага 2025 года Макрон абвясціў, што Еўропа гатова павялічыць падтрымку Украіны і ўзяць на сябе адказнасць за бяспеку ў рэгіёне, але пра канкрэтныя рашэнні не паведамлялася.
Макрон: Еўропа гатовая павялічыць выдаткі на абарону і ўзяць на сябе адказнасць за бяспеку
«Спадар прэзідэнт, не Украіна пачала гэтую вайну». Заявы Трампа аб Украіне і яго канфлікт з Зяленскім шакавалі многіх рэспубліканцаў
Трамп заявіў пра зрыў пагаднення з Украінай па рэдказямельных металах
Зяленскі адказаў Трампу, колькі грошай Украіна выдаткавала на вайну і колькі з іх было амерыканскіх
Цяпер чытаюць
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка10
Каментары