U bajach pad Charkavam zahinuŭ rasijski apazicyjanier Dadzin — jon vajavaŭ za Ukrainu i lubiŭ Janku Kupału
Rasijski apazicyjanier Ildar Dadzin, jaki pajechaŭ vajavać na baku Ukrainy, pamior u bajach u Charkaŭskaj vobłaści. Pra heta paviedamiła žurnalistka «Echo Moskvy».
Ildar Dadzin byŭ pieršym u Rasii, kaho asudzili pa artykule ab nieadnarazovym parušeńni praviłaŭ mitynhaŭ (heta byŭ 2015 hod). Aktyvista adpravili za heta ŭ kałoniju. Prysud admianili ŭ 2017-m.
Ildar źjechaŭ z Rasii ŭ Polšču ŭ sakaviku 2022 hoda. Jon rychtavaŭsia vajavać na baku Ukrainy i ŭ červieni 2023 hoda ŭstupiŭ u «Sibirski bataljon» (jon składajecca z rasijskich dobraachvotnikaŭ).
Mužčyna vajavaŭ pad pazyŭnym «Handzi», jamu było 42 hady.
Raniej Ildar udzielničaŭ taksama ŭ akcyjach u padtrymku biełaruskaj hramadzianskaj supolnaści. Na adnym z takich pikietaŭ jon apynuŭsia, bo spadziavaŭsia paznajomicca ź biełaruskimi pravaabaroncami.
«Jon fanat hurtu «Lapis Trubiacki», hurtu «Brutto», čytaŭ Jakuba Kołasa, Janku Kupału. «Budź śmiełym» — adzin ź jaho lubimych vieršaŭ», — raskazvała byłaja žonka Dadzina. Vieršy jon čytaŭ nie ŭ pierakładzie, a pa-biełarusku.
«Jon pavažaŭ biełaruskich aktyvistaŭ, bo jany zdolnyja niešta rabić u ciažkich umovach», — dzialiłasia byłaja žonka.
Ciapier čytajuć
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary