«Jak na korm śvińniam»: hladzicie, što ciapier z bulbaj u Minsku

Praktyčna miesiac nie cišejuć razmovy vakoł hałoŭnaj biełaruskaj harodniny: pakupniki aburajucca, što z bulbaj u kramach zusim biada. Jaje kali i možna znajści, to kłubni zusim nie tavarnaha vyhladu i zusim nikudy nie hodnyja.

«Točka» pahladzieła, jakuju bulbu pradajuć u kramach «kala doma» i bujnych hipiermarkietach. Prablema sapraŭdy jość.

Ministerstva antymanapolnaha rehulavańnia i handlu ŭ siaredzinie sakavika pravieryła, jak iduć spravy z bulbaj u kramach. Ahułam pramanitoryli 437 handlovych punktaŭ. U 3% vypadkaŭ bulby ŭ prodažy nie było ŭvohule, a ŭ 10% taki tavar akazaŭsia nie prydatny dla realizacyi.

Darečy, pa standartach, možna pradavać bulbu ź niekatorymi zahanami, ale niaznačnymi. Masavaja dola kłubniaŭ z paškodžańniami nie pavinna pieravyšać 2 pracenty. A prylipłaj da kłubniaŭ ziamli moža być nie bolš za 1%.

Jakuju ž bulbu nielha vystaŭlać na prodaž? Pazielaniełyja kłubni (bolš za 1/4 pavierchni), paškodžanyja hryzunami, padmarožanyja, zaparanyja, razdušanyja, pałoŭki abo častki kłubniaŭ, z hnillu i fitaftoraj.

Darečy, 25 sakavika ŭrad uvioŭ licenzavańnie vyvazu bulby — kab zabiaśpiečyć kantrol nad zapasami. Miera časovaja — na try miesiacy.

Što z bulbaj u kramach?

U nievialikaj kramcy «Jeŭraopt» na vuł. Śviardłova, 22, znajšli bulbu pa canie Br1,08 za kiło — poŭnyja skryni.

Kłubni bujnyja, adnak pry bližejšym razhladzie daloka nie ŭsie jany majuć tavarny vyhlad: jość zmorščanyja, ź ćvillu, pamiatyja.

Pavialičyć

«Jak na korm śvińniam!» — prydzirliva vybiraje bulbu piensijanierka.

Idziom u kramu «Susiedzi» na vuł. Kirava, 4. Tut vybar bolšy: jość zvyčajnaja bulba pa Br1,08 i mytaja, fasavanaja ŭ sietki, pa Br2,99.

Da apošniaha tavaru pretenzij pa jakaści niama: bujnaja jakasnaja bulba. Adnak košt moža zadavolić nie ŭsich, dy i fasoŭka pa 4-5 kh padydzie nie kožnamu pakupniku.

Pavialičyć

A voś varyjant tańniejšy vyhladaje značna horš: pazielaniełyja, miatyja, miescami padhniłyja kłubni. Tut užo vybrać kiło-dva prystojnaha vidu budzie bolš składana.

Jašče adzin mahazin «Susiedzi» — u TRC Galileo. Tut toj ža asartymient: niamytaja bulba pa Br1,08 i mytaja fasavanaja pa Br2,99 (da viečara jaje, darečy, usiu raschapali).

Stali vybirać i rasčaravalisia: miakkaja bulba, doŭha nie pralažyć, šmat «vočak». Na kiłahram bolš-mienš prystojnych kłubniaŭ nabrali, ale jakaściu ŭsio ž zastalisia nie vielmi zadavoleny.

Zazirnuli ŭ nievialikuju «Santu» farmatu «kala doma» na vuł. Vołacha, 2. Pakupniki skardziacca, što bulbačka tut byvaje niačasta, a kali i zavoziać, to abrać niama z čaho.

Pavialičyć

Bulba, jakaja pabačyła žyćcio, abydziecca pakupniku ŭ Br1,1 za kiło, i to kali pašancuje naźbirać jaje z sapsavanych astatkaŭ.

U inšych kramach sietki ŭ hetym rajonie taksama jość padobnyja prablemy — bulba nie samaj lepšaj jakaści.

U «Sancie» na vuł. Hrušaŭskaj, 21, tavar taksama zasmučaje.

Pa Br1,1 za kiłahram pradajecca nie samy dobry varyjant: zmorščanaja bulbačka i z «vočkami» — paśla čystki ničoha i nie zastaniecca.

Jość za tuju ž canu, ale fasavanaja pa 2-3 kh u sietcy. Vyhladaje «žyviejšaj».

Pobač krama «Susiedzi» na pr. Dziaržynskaha, 19.

Tut niamytaja bulba taksama «sumnaja». Za Br1,1 — parezanaja, zmorščanaja i prypsavanaja.

Pavialičyć

Mytaja bulba za svoj košt (Br2,72) mahła b być i lepšaj: jość kavałki kłubniaŭ, z parezami i mnostvam «vočkaŭ».

A što ŭ supiermarkietach?

Naprykład, u Green HC Minsk Mall vybar kudy lepš.

Tut zvyčajnaja bulba kaštuje pa Br1,1 za kiłahram. Praŭda, amal usia zmorščanaja, ź ćvillu. Naźbirać na kiłahram nie ŭdałosia.

Pavialičyć

Jość bulba mytaja, fasavanaja ŭ sietki pa 4—5 kh. Pretenzij da jakaści niama. A voś cana ŭ paraŭnańni ź niamytaj aharodninaj kusajecca — Br2,59.

Pobač — bulba dla zapiakańnia. Taksama dobraja. Za mytyja kłubni daviadziecca zapłacić Br2,3.

Znajšli jašče i adbornuju bulbu z fasoŭkaj prykładna pa 2 kh. Adpaviadaje naźvie — davoli niadrennaja bulbačka. Cana, čakana, vyšejšaja: jakasnaja harodnina kaštuje Br2,85 za kiło.

Zazirnuli ŭ hipiermarkiet «Santa» ŭ «Minsk Miry». Znajšli zvyčajnuju bulbu pa Br1,1 za kiłahram, jakaja vyhladaje nie tak užo drenna.

Pavialičyć

Jość niekatoryja pytańni pa jakaści, ale ŭ cełym možna naźbirać sabie bulbačku na viačeru.

U hipiermarkiecie «Jeŭraopt» na pr. Dziaržynskaha, 3b jość bulba niekalkich vidaŭ.

Samy tanny varyjant — pa Br1,08 — vymušaje žadać lepšaha. Šmat zialonych kłubniaŭ, miakkich i zmorščanych.

Pavialičyć

Jość za Br1,1. Nie biez zahan, ale ŭžo lepiej.

I «łakšery»-varyjant za Br2,49 — mytaja bulbačka, ź niekatorymi «vočkami», ale całkam prystojnaja. Za dobry tavar davodzicca płacić u dva razy bolš.

U supiermarkiecie «Ałmi» na vuł. Prytyckaha, 93, adznačajuć pakupniki, z bulbaj časta biada.

Pad viečar vybrać nie było z čaho: reštki bulby za Br1,07 nie pryciahvajuć pakupnikoŭ.

Pavialičyć

«Znoŭ biez bulby! Dy što ž takoje…» — skardzicca žančyna na kasie.

A što ŭ słužbach dastaŭki praduktaŭ?

Pahladzieli na asartymient bulby i ŭ bujnych handlovych sietkach, dzie možna zakupicca anłajn. Što cikava, praktyčna na ŭsich sajtach pradstaŭlena tolki mytaja bulba.

Tak, u «Je-dastaŭcy» možna zakazać kłubni pa canie ad Br2,59 za kiłahram (bulba dla zapiakańnia). Za Br2,99 — kiło mytaj bulby.

Na sajcie «Hipa Market» asartymient šyrej. Tut možna znajści i zvyčajnuju niamytuju bulbu pa Br1,1 za kiło.

Jość mytaja čyrvonaja (Br2,62) i mytaja fasavanaja (za Br2,27 i Br2,74).

Pavialičyć

U anłajn-kramie Green jość tolki mytaja bulba. Ceny startujuć ad Br2,39 i dachodziać da Br2,99.

Pačym bulba na Kamaroŭcy?

Zazirnuli i na hałoŭny rynak krainy. Tut pradajecca bulbačka dla sapraŭdnych znatakoŭ — z ukazańniem hatunkaŭ, a pradaŭcy achvotna raspaviadajuć, dla jakich met abrać toj ci inšy hatunak harodniny.

Pavialičyć

Deficytnym tavar na rynku sapraŭdy nie nazavieš — asartymient šyroki, zapasy vialikija.

Siaredni ceńnik — Br3,5 za kiłahram pa-sapraŭdnamu adbornaj bulby. Možna znajści i tańniej — naprykład, pa Br3.

A chtości pradaje i kłubni na vyhlad krychu horšyja, ale zatoje pa Br1,1.

«I ŭsio roŭna lepš, čym u kramach», — kaža piensijanierka.

Fiermiery adznačajuć, što nijakich prablem z bulbaj u ich niama: usiaho ź liškam, uradžaj byŭ dobry. Čamu ž takaja situacyja ŭ mahazinach, analizavać nie biarucca.

Robim vysnovy

Z bulbaj u handlovych sietkach sapraŭdy jość prablemy. Vielmi časta kłubni majuć nietavarny vyhlad, a miescami, asabliva ŭ mahazinach farmatu «kala doma», i zusim nazirajucca prablemy z pastaŭkami jakasnaha tavaru.

• 0
• 0
• 7
• 1
• 0
• 0
• 0
• 0