U rajcentry Białyničy Mahiloŭskaj vobłaści, u jakim z XVI stahodździa byŭ katalicki chram, viadomy svajoj cudatvornaj ikonaj, budzie pabudavany kaścioł-sanktuaryj, piša Katolik.life. Prajekt vyniesieny na hramadskaje abmierkavańnie.
Pad uźviadzieńnie sanktuaryja Maci Božaj Białynickaj vydzieleny ŭčastak u 0,72 ha — na skryžavańni vulic Leninskaj i Mičuryna, na miescy źniščanych staradaŭnich katalickich mohiłak.
Pakul u horadzie funkcyjanuje tolki katalickaja kaplica, jakaja źjaviłasia paśla adradžeńnia parafii ŭ 1993 hodzie. Chram u katolikaŭ zabrali rasijskija ŭłady ŭ 1876 hodzie i pieradali jaho pravasłaŭnym. U 1960-ja hady savieckija orhany ŭzarvali kaścioł i klaštar u Białyničach.
Miž tym mienavita adsiul «rodam» Karaleva Biełarusi — abraz, jaki šanujuć i katoliki, i pravasłaŭnyja. U horadzie ŭžo jość pravasłaŭny chram u honar Maci Božaj Białynickaj, a ciapier źjavicca i katalicki.
U paviedamleńni ab praviadzieńni hramadskaha abmierkavańnia, jakoje praciahniecca da 7 krasavika, paznačana, što na ŭčastku zaprajektavanyja: budynak kaścioła, vysadka novych dekaratyŭnych dreŭ i kustoŭ, uładkavańnie kvietnikaŭ, łavak. Taksama płanujecca ŭźviadzieńnie haspadarčaha błoka i miemaryjalnaj kaplicy-zvanicy ŭ pamiać pra źniščanyja katalickija mohiłki. Vakoł budynka zaprajektavany pierymietralny abychod Kryžovaha šlachu.
Malitoŭnaja zała raźličanaja maksimalna na 70 miescaŭ. U padvalna-cokalnym paviersie buduć zała na 48 čałaviek, parafijalnaje biuro, kłas dla katechiezy. Nad sakrystyjaj praduhledžanyja dva techničnyja ŭzroŭni dla absłuhoŭvańnia ałtara (zasłona cudatvornaha abraza Maci Božaj).
Ałtary i ałtarnyja kampazicyi buduć vykananyja z hranitu, cehły abo błokaŭ pad vieniecyjanskuju tynkoŭku. U voknach, mierkavana, buduć vitražy.
Ciapier čytajuć
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu11
Kamientary