Пра намер пашырыць колькасць прышчэпак, якія бясплатна робяць беларусам, у Нацыянальным прэс-цэнтры расказаў загадчык аддзялення імунапрафілактыкі аддзела эпідэміялогіі Рэспубліканскага цэнтра гігіены, эпідэміялогіі і грамадскага здароўя Кірыл Ігнатаў.
Цяпер у нацыянальны каляндар прышчэпак ўключаныя вакцынацыя ад віруснага гепатыту B, туберкулёзу, коклюшу, дыфтэрыі, слупняка, поліяміеліту і гемафільнай інфекцыі, ад адзёру, эпідэмічнага паратыту, краснухі, грыпу і пнеўмакокавай інфекцыі ў групах рызыкі.
Але ў яго прапануюць дадаць яшчэ дзве прышчэпкі: ад пнеўмакокавай інфекцыі для ўсіх дзяцей, якую пакуль робяць у групах рызыкі за кошт бюджэту, а таксама супраць віруса папіломы чалавека.
Як удакладніў кіраўнік краіннага офіса СААЗ у Беларусі Сяргей Дзіёрдзіца, прышчэпка супраць ВПЧ здольная абараніць жанчын у дарослым узросце ад раку шыйкі маткі. Эфектыўнасць прышчэпкі перавышае 90%.
Усе прышчэпкі, якія ўваходзяць у нацыянальны каляндар, робяцца бясплатна.
Мужчына хварэў на кавід на працягу рэкордных 613 дзён. І паставіў сумны антырэкорд
У Віцебску медработніца знішчыла вакцыны супраць каранавірусу на 53 тысячы рублёў
Каму медыкі рэкамендуюць прышчапіцца ад кавіду гэтай вясной
Як поспехі сучаснай медыцыны звязаныя са смяротнасцю ад захворвання нырак і як не прапусціць нырачныя хваробы
Цяпер чытаюць
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін18
Каментары