З Валадаркі вынеслі насценны малюнак мастака Алеся Пушкіна, які загінуў за кратамі
Фатограф Аляксандр Васюковіч, які пасля прысуду пакінуў Беларусь, расказаў «Белсату» пра малюнак, які на сцяне камеры ў Валадарцы пакінуў мастак Алесь Пушкін, загінулы ў няволі.
Аляксандр змог вынесці з турмы копію таго малюнка.
«Гэта была першая камера, у якую я трапіў на Валадарцы, у так званым шанхаі. У ёй утрымліваліся 24 чалавекі. Да мяне там нехта і з Litesound сядзеў, і Алесь Пушкін таксама. Дык вось, мне паказалі малюнак — рысачкі, якія маляваў на сцяне Алесь Пушкін. Я папрасіў сваіх, каб мне пераслалі ў перадачы кальку, каб можна было яго скапіяваць. І я зрабіў гэта. І ў выніку вынес на свабоду», — распавядае Аляксандр Васюковіч.
«Вельмі балюча было гэта ўсё бачыць, таму што я быў да гэтага на пахаванні Алеся… І, блін, не ведаю, мне падалося, што ўсё, што я мог зрабіць, — гэта вынесці адтуль тую штуку. Для гісторыі», — кажа фатограф.
Нагадаем, што СІЗА на Валадарцы нядаўна расфармавалі, зняволеных, якія чакалі там суда, перавялі ў новы будынак — у Калядзічы.
Цяпер чытаюць
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін14
Каментары
ну гэта так - мелач
каб хоць трохі ведалі, што qwerty123 перажыла )