Беларускія дактары і актывісткі запусцілі праект аб жаночым здароўі
Беларускія дактары і актывісткі запусцілі інста-сяброўку — акаўнт пра жаночае здароўе. Мэта праекта ў тым, каб матываваць беларускіх жанчын больш надаваць увагі свайму здароўю і рэгулярна наведваць гінеколага, а яшчэ навучыць, як упэўнена адчуваць сябе ў кабінеце доктара.
Экспертка праекта Алена Новікава — доктарка з больш чым 21-гадовым стажам у Беларусі. Гінеколаг, рэпрадуктолаг, кандыдат медыцынскіх навук.
Акаўнт «Жаночае не сорамна» дапаможа даведацца:
— што трэба ведаць перад паходам да доктара;
— якія пытанні зададуць на аглядзе;
— з якіх этапаў складаецца агляд і якія аналізы бяруць;
— як часта трэба наведваць гінеколага;
— праграмы, якія рэкамендуюць дактары і іншае.
Аўтары кампаніі хочуць, каб беларускі не баяліся паходаў да гінеколагаў (і рэгулярна хадзілі на агляд), адкрыта абмяркоўвалі праблемы жаночага здароўя, дзяліліся рэкамендацыямі доктараў адна з адной і смела адмаўляліся ад спецыялістаў, калі з імі некамфортна.
Цяпер чытаюць
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін18
Каментары