Расспажыўнагляд зняпраўдзіў паведамленні, што ў Расіі выяўлены новы вірус, які выклікае кашаль з крывёю.
Як удакладніла ведамства, захворванне на вострыя рэспіраторныя інфекцыі, грып і COVID-19 на мінулым тыдні знізілася.
На выходных у тэлеграм-каналах, у тым ліку і беларускіх, распаўсюджвалася інфармацыя, што ў Расіі з'явіўся новы небяспечны вірус.
«У шэрагу рэгіёнаў Расіі зафіксаваныя выпадкі захворвання, якія характарызуюцца высокай тэмпературай (да 39°C), моцнай слабасцю і кашлем. Хвароба пачынаецца з звычайнай ламоты ў целе, але хутка прагрэсуе, прыводзячы да значнага пагаршэння самаадчування. Некаторыя хворыя адзначаюць кашаль да слёз і наяўнасць крыві ў макроце. Асаблівасцю дадзенага захворвання з'яўляецца тое, што тэсты на COVID-19 і грып у хворых даюць адмоўны вынік», — гаварылася ў тым паведамленні.
Разам з тым паведамлялася, што сапраўды ў Беларусі ў шэрагу гарадоў пачалася эпідэмія рэспіраторных інфекцый.
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін14
Каментары