«Бабу нясе». У злітай размове рэктар БДУ прайшоўся па прарэктарцы, якая пісала справаздачу ў КДБ
Нядаўна «Кіберпартызаны» выклалі ліст прарэктаркі па выхаваўчай рабоце БДУ Ганны Бакун аб тым, як яны спрабавала перавыхоўваць студэнтаў. А цяпер злілі размову, дзе рэктар універсітэта Андрэй Кароль эмацыйна выказваецца пра калегу.
Да лістапада 2022-га Бакун займала пасаду намесніка дэкана па выхаваўчай рабоце юрыдычнага факультэта БДУ. Вядомыя факты аб тым, што Бакун аказвала ціск на пратэстуючых студэнтаў. Яна патрабавала ад іх тлумачальныя, «запрашала» на пасяджэнні прафілактыкі правапарушэнняў. Жанчына таксама выступала сведкай на судзе па «справе студэнтаў».
Цяпер «Кіберпартызаны» выклалі ў сеціва размову рэктара БДУ Андрэя Караля з прарэктарам па бяспецы і кадрах Яраславам Чаркаскім, дзе тыя даюць характарыстыку Бакун.
«Ну, і сёння будзе другая «будова века»: запрашу Бакун, буду яе вельмі жорстка… з ёй размаўляць, таму што бабу нясе. На жаль, вось… І я гэта бачу ў камунікацыях яе са мною. Ёй відавочна не хапае ўлады нейкай. Ну, увогуле, скандалізм той, аб якім мы гаварылі, ён рэальна праяўляе сябе»,
— заўважае Кароль і спрабуе знайсці тлумачэнне такім паводзінам Бакун:
«Адчуванне, што вакол ворагі і што яе ўсе спрабуюць неяк прынізіць і настроеныя да яе варожа. Вось гэта самы галоўны яе псіхалагічны, скажам так, негатыўны фактар, які дыктуе ёй яе паводзіны».
Рэктар упэўнены, што, калі не паспрабаваць нейкім чынам скарэктаваць паводзіны калегі, яна не зможа працаваць з людзьмі:
«У мяне ўжо вось дакладная ўпэўненасць ёсць, што яе рэальна нясе. Нясе прычым па ўзрастаючай. І калі гэта цяпер неяк… хаця б не прыглушыць, то яна ні з кім не зможа працаваць».
«Яна жахліва няўпэўнены чалавек, таму сябе так і паводзіць», — выказваўся Кароль у злітай размове.
Цяпер чытаюць
Пасля знікнення спікеркі Мельнікавай няма доступу да рахункаў Каардынацыйнай рады15
Каментары
положитьпоставить на место этой бабы одну из своих наложниц?!