Як падаць падатковую дэкларацыю ў Польшчы ці Літве і падтрымаць «Нашу Ніву»

Польшча

(інструкцыя для Літвы будзе ніжэй)

У Польшчы падатковыя дэкларацыі (РІТ) падаюць з 15 лютага па 30 красавіка. 

Каб гэта зрабіць, неабходна зайсці на сайт podatki.gov.pl

Павялічыць

Сайт даступны на трох мовах: польскай, англійскай і ўкраінскай. Пасля аўтарызацыі вы трапіце на epit.podatki.gov.pl, сістэма прапануе вам запоўніць неабходную форму. 

Для пачатку падачы дэкларацыі трэба націснуць на Złóż PIT. 

Падчас запаўнення дэкларацыі галоўнае — не прапусціць пункт «1,5% podatku dla OPP» (перадача 1,5% падатку, які падлягае выплаце грамадскай арганізацыі). 

Павялічыць

У полі «numer KRS wybranej organizacji» увядзіце нумар 0000507234 — ён адпавядае польскаму фонду-партнёру FaniMani, які дапамагае «Нашай Ніве» сабраць адсотак ад падатку.

Далей у полі «Cel szczegółowy do przekazania 1,5% podatku» трэба ўвесці лічбы 82197 — гэта наш ўнікальны нумар арганізацыі ў сістэме FaniMani.

Павялічыць

Таму тут трэба быць максімальна пільнымі, бо калі вы не ўвядзеце гэтыя лічбы, то грошы адправяцца, але сістэма FaniMani не будзе ведаць, якой арганізацыі яны належаць.

Пасля пастаўце птушачку «Wyrażam zgodę» (згодзен) націсніце кнопку «Zatwierdź» (зацвердзіць). Далей працягвайце запаўняць дэкларацыю і адпраўце яе ў канцы, калі ўсё запоўнена.

Літва

Для падачы абавязковай падатковай дэкларацыі ў Літве трэба зайсці ў сістэму электроннага падатковага дэкларавання EDS і там націснуць на «Prisijungti prie EDS» (падключыцца да EDS).

Павялічыць

Далей трэба абраць сістэму, праз якую вы будзеце праходзіць аўтарызацыю ў сістэму EDS. 

У нашым прыкладзе гэта будзе зроблена праз Swedbank, дзе можна абраць рускую мову для інтэрфейсу. 

Павялічыць

Пасля праходжання аўтарызацыі ў «Э-паслугах» трэба выбраць раздзел VMI і націснуць «Увайсці».

Павялічыць

Пасля гэтага вы трапляеце ў партал EDS, дзе і будзе адбывацца запаўненне дэкларацыі. 

Каб прыступіць да яе запаўнення, неабходна націснуць на выяву глобуса. 

Павялічыць

Гэтая старонка даступная толькі на літоўскай, але далей мову інтэрфейсу можна змяніць на рускую. 

Павялічыць

Калі вы ўжо маеце літоўскі ДНЖ з 2024 года ці раней і пры гэтым працуеце ў літоўскай кампаніі, то для падатковай вы ў любым выпадку лічыцеся пастаянным жыхаром. 

Далей вы па тэксце запаўняеце дэкларацыю, адказваючы на пытанні. 

Пасля таго, як вы адкажаце на ўсе пытанні, сістэма прапануе вам сфармаваць і падаць дэкларацыю, пасля чаго вы ўбачыце суму, якую вам павінна вярнуць дзяржава, або суму, якую вы мусіце даплаціць. 

Павялічыць

Ніжэй будзе радок, дзе будзе напісана, што ў вас ёсць магчымасць размеркаваць частку падаходнага падатку. 

Там трэба націснуць на «Я хачу падтрымаць». 

Далей інтэрфейс будзе толькі на літоўскай, але разабрацца будзе нескладана. 

Каб пачаць запаўняць форму, націсніце «Pradėti» (пачаць).

У радок пошуку трэба ўвесці код арганізацыі, якую вы хочаце падтрымаць, пералічыўшы 1,2% ад сумы ўжо сплачанага падаходнага падатку.

Павялічыць

Нумар «Нашай Нівы» — 305965367. Пасля ўводу кода нашай арганізацыі ў вас з'явіцца назва нашай юрыдычнай асобы ў Літве — Viešoji įstaiga «Nasha Niva Fund».

Абраўшы ў спісе «Нашу Ніву» (Viešoji įstaiga «Nasha Niva Fund»), націскаем на «Testi» (працягнуць).

На наступным кроку ў радку «Mokesčio dalies dydis (procentais)» (памер падатковай часткі (у працэнтах)) вы ўводзіце лічбы 1,2.

Павялічыць

І пасля націскаеце на «lšsaugoti» (захаваць). 

Пасля трэба яшчэ раз пацвердзіць ваш выбар і націснуць на «Taip, teisingi» (так, слушна). 

Павялічыць

Такім простым і цалкам бясплатным для вас чынам вы можаце падтрымаць «Нашу Ніву» — бастыён беларушчыны

• 1
• 0
• 0
• 0
• 0
• 0
• 0
• 0