Найноўшая мадэль электрамабіля Zeekr паказала сусветны рэкорд па хуткасці зарадкі
Брэнд Zeekr, які належыць папулярнаму кітайскаму аўтавытворцу Geely, выпусціў самы магутны «залаты» акумулятар і абсталяваў ім свае аўто. Што па цэнах?
Кампанія Zeekr, якая ўваходзіць у склад кітайскага аўтавытворцы Geely Holding Group, устанавіла новы сусветны рэкорд хуткасці зарадкі электрамабіля.
Новая літый-жалеза-фасфатная батарэя Golden Battery 5.5C ёмістасцю 75 кВт·г ад Zeekr прайшла строгае выпрабаванне, пацвердзіўшы рэкордныя вынікі. Абсталяваная ёй найноўшая мадэль Zeekr 7X зараджаецца з 10 да 80% усяго за 9 хвілін 45 секунд. Гэта стала магчымым дзякуючы выкарыстанню магутных зарадных станцый з максімальнай магутнасцю да 840 кВт, піша партал Interesting Engineering.
Падчас тэставання Zeekr 7X зараджаўся пры магутнасці 200 кВт, а затым дасягаў пікавай магутнасці 460 кВт. У сярэднім паказчык склаў 400 кВт. Гэта дазваляе за адну хвіліну зарадкі атрымаць запас ходу на 33,7 км, што набліжае працэс зарадкі да хуткасці запраўкі традыцыйных аўтамабіляў.
Для параўнання, Model 3 ад Tesla патрабуе 15 хвілін зарадкі, каб праехаць 282 км.
Сакрэтам новай батарэі Zeekr з'яўляецца яе здольнасць заставацца стабільнай пры нізкіх тэмпературах. Нават пры -10°C акумулятар зараджаецца з 10 да 80% усяго за 30 хвілін, што недаступна для большасці традыцыйных электрамабільных батарэй, адзначаюць тэсціроўшчыкі.
Zeekr 7X (2025) з такой «залатой батарэяй» каштуе ад $31 тысяч у Кітаі і ад $48 да $56 тысяч у Еўропе. Дастаўка такога электрамабіля ў Беларусь абыдзецца ў мінімум $33-34 тысячы.
Дастаўка ў Беларусь яшчэ адной мадэлі з «залатой батарэяй» — электраседана Zeekr 007 (2025) — можа каштаваць ад $32 тысяч.
Цяпер чытаюць
Латушка: 25 сакавіка знікла спікерка КР Анжаліка Мельнікава6
Каментары