Алексіевіч: Вось вы з’ехалі, паўмільёна людзей, як быццам вас і не было
Пра сённяшнюю сітуацыю ў Беларусі і пра беларускую эміграцыю паразважала пісьменніца, лаўрэтка Нобелеўскай прэміі Святлана Алексіевіч у інтэрв'ю літоўскаму LRT.
«Вельмі складана. Здавалася б, у маршах 2020 года было столькі людзей, столькі выходзіла на вуліцы. А цяпер, бачачы, што Лукашэнка ў гэтай сітуацыі перамог, Пуцін, які яму дапамог, перамог, людзі пачынаюць прыстасоўвацца да гэтага жыцця. Трэба ясна ўсведамляць гэта, не думаць, што ўсе маўчаць толькі са страху. Часам маўчаць, бо проста хочуць жыць».
Святлана Алексіевіч, якая з верасня 2020 года жыве ў Германіі, расказала, што атрымала ліст ад сяброўкі з Мінска.
«Было нейкае свята, і яна піша: «Ты ведаеш, на вуліцах столькі людзей, у якіх ёсць грошы, якія хочуць іх весела і прыемна патраціць. Рэстараны ўсе запоўненыя». І далей фраза: «Як быццам вас і не было. Вось вы з’ехалі, паўмільёна людзей, як быццам вас і не было».
А з’ехалі, вядома, самыя моцныя, самыя разумныя, тыя, хто хацеў іншую краіну і ведаў, і быў гатовы яе будаваць і змяняць. Вось гэта вельмі крыўдна — «як быццам вас і не было». Але застаецца надзея, што няма аднароднай масы людзей. Ёсць тыя, хто хоча патраціць грошы, добра пажыць. А ёсць маладое пакаленне».
«У мяне ўнучка, ёй 19 гадоў. Яны ўсе не хочуць заставацца дома, яны ўсе хочуць з’ехаць — гэта іх форма пратэсту. Паміраць яны не хочуць. І сядзець у турме яны таксама не хочуць, выйсці адтуль інвалідам, як цяпер выходзяць людзі — ніхто здаровым адтуль не вяртаецца.
Але, на жаль, улада ў старых, у людзей іншага светапогляду. Мы не паспелі ўзяць уладу. А маладыя яшчэ не дастаткова моцныя, каб яе змяніць. Адзіная надзея ў тым, што час яны не перамогуць. Час перамагчы немагчыма», —дадала пісьменніца.
Нагадаем, што ў пятніцу ў Вільні пройдзе сустрэча са Святланай Алексіевіч, таксама яна возьме ўдзел у Віленскай кніжнай выставе.
У Вільні пройдзе сустрэча з Палінай Шарэнда-Панасюк і Святланай Алексіевіч
Алексіевіч: Я не думаю, што ёсць хоць адзін чалавек, які сапраўды разумее, што адбываецца ва Украіне
Алексіевіч: Як пісьменнік я пачалася з «Былога і думаў» Герцэна, а найбольшы ўплыў на мяне зрабілі Чэхаў і Дастаеўскі
Алексіевіч расказала, як ёй прапанаваў дапамогу расійскі мільярдэр Неўзлін
Святлана Алексіевіч: Давайце спачатку возьмем уладу, а потым будзем вырашаць моўнае пытанне
Цяпер чытаюць
Вылецела ў невядомым кірунку спікерка КР Анжаліка Мельнікава30
Каментары