Як паведамілі ў прэс-службе Міністэрства адукацыі, агульны план прыёму складзе 48,3 тысячы чалавек, што менш, чым летась, піша «Спутнік».
У 2024 годзе ВНУ планавалі набраць 52—53 тысячы чалавек, прычым колькасць бюджэтных месцаў была павялічана да 31,4 тысячы.
У гэтым годзе колькасць бюджэтнікаў узрасце яшчэ — да 31 800 чалавек, што на 400 больш, чым у мінулым годзе.
«Агульны план прыёму на вышэйшую адукацыю некалькі меншы за леташні — за кошт скарачэння колькасці месцаў на платнай аснове», — патлумачыў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў.
Паводле яго слоў, будзе павялічаны прыём на інжынерныя, педагагічныя і медыцынскія спецыяльнасці, куды найчасцей паступаюць абітурыенты з мэтавымі накіраваннямі.
Інфармацыя пра колькасць мэтавых месцаў будзе апублікавана: да 1 мая — па ўсіх спецыяльнасцях; да 1 чэрвеня — асобна па педагагічных спецыяльнасцях.
Цяпер чытаюць
Латушка: 25 сакавіка знікла спікерка КР Анжаліка Мельнікава17
Каментары