Па словах украінскіх вайскоўцаў, вызваленне сяла Надзія дазволіла выраўняць лінію абароны і атрымаць больш выгадныя пазіцыі.
Скрыншот відэа 3 АШбр
Трэцяя штурмавая брыгада заявіла аб аднаўленні кантролю над населеным пунктам Надзія ў Луганскай вобласці на Ліманскім напрамку.
Селішча Расія змагла заняць у пачатку сакавіка, але праз некалькі тыдняў УСУ здолелі яго адбіць. Украінскія вайскоўцы сцвярджаюць, што ўзяцце Надзіі каштавала расіянам двух механізаваных палкоў.
Аперацыя па вызваленні селішча трывала 30 гадзін.
У 3-й АШБр заявілі, што ўзяцце Надзіі дазволіць эфектыўна трымаць пад агнявым кантролем бліжэйшыя акупаваныя населеныя пункты Райгарадку і Джарэльнае, а таксама ўскладняе магчымасці механізаванага наступу праціўніка.
Каментары