«Купляй танна яго карціны, праз 10 гадоў ён стане сусветна вядомым!». Якім паказаны Хаім Суцін у фільме, які зняў Джоні Дэп?
Увосень на сусветныя экраны выйшаў фільм Джоні Дэпа «Моды: тры дні на хвалях вар'яцтва», які распавядае пра некалькі эпізодаў з жыцця італьянскага мастака Амедэа Мадыльяні.
У адрозненне ад фільма 2004 года «Мадыльяні», дзе паказаны апошнія дні жыцця мастака ў 1920 годзе, тут паказаны 1916 год, але Мадыльяні ўжо моцна хворы.
І калі ў фільме 2004 года ягоны сябра і паплечнік, ураджэнец Беларусі Хаім Суцін паказаны літаральна ў двух эпізодах, то ў фільме Джоні Дэпа ягоны вобраз пададзены вельмі разгорнута. У гэтым фільме Суціна сыграў ірландскі акцёр Раян Макпарланд.
Тры сябрукі — Амедэа Мадыльяні (акцёр Рыкарда Скармачы), Марыс Утрыло (Бруно Гуэры) і Хаім Суцін — сноўдаюць па Парыжы. Выпіваюць, напіваюцца, спрачаюцца з наведнікамі кафэ і малююць карціны за 5-10 франкаў, а то і за пляшку віна. Словам, жывуць вельмі бедна.
Утрыло марыць пайсці на Першую сусветную вайну, а Парыж часам церпіць ад налётаў нямецкай авіяцыі.
Суцін часам паказаны з дзівацтвамі. То зловіць таракана ў слоік і гуляецца з ім цэлы дзень, то прыцягне з бойні тушу каровы, назаве яе «Рэмбрант» і малюе. Смурод у пакоі, дзе ён жыве, невыносны, і гаспадыня пагражае яго выселіць. Мадыльяні (Моды) заступаецца за вернага сябра.
Мадыльяні зусім не шкадуе сябе і не слухае парадаў сяброў, каб зарабіць грошы зараз, бо потым немагчыма будзе трымаць у руках пэнздль і памерці ў беднасці.
«Ты мой верны сябра, пашкадуй сябе, ты плюеш на сваю магілу, а я на тваю ніколі не плюну», — кажа Суцін таварышу.
Калекцыянер і прамоўтар культуры Леапольд Збароўскі (яго грае Стывен Грэм) кажа Мадыльяні, што ў Парыж павінен прыехаць вядомы калекцыянер і мецэнат Марыс Ганья (яго іграе Аль Пачына), які можа заплаціць яму 10 тысяч за карціну.
Узнёслы Мадыльяні прыходзіць на сустрэчу з Ганья ў дарагі рэстаран, але той кажа, што карціны Амедэа нічога не вартыя. «Вы не мастак, займайцеся лепш скульптурай», — кідае мецэнат.
«Але вось ваш сябра Хаім Суцін мае вялікі патэнцыял, гэта сапраўдны мастак. Купіце зараз танна некалькі яго карцін, і праз 10 гадоў вы станеце казачна багатым», — раіць Ганья.
Расчараваны Мадыльяні вяртаецца ў сваю кватэру і знішчае свае працы.
Праз чатыры гады ён памрэ, а праз 10 гадоў Суцін і сапраўды стане сусветна вядомым і прызнаным мастаком дзякуючы дапамозе таго ж Леапольда Збароўскага.
«Мікі 17»: зорка «Змяркання» грае ў шалёнай камедыі, і гэта варта бачыць
Гісторыя стрыптызёркі і сына расійскага алігарха. Чым цікавы фільм, які атрымаў сёлета «Оскара»?
«Анора» названа найлепшым фільмам на ўручэнні прэміі «Оскар»
Міру не бывае без ахвяраў? Серыял пра ліхалецце ў Паўночнай Ірландыі падводзіць да няпростых дылемаў — як дабіцца незалежнасці
Цяпер чытаюць
Латушка: 25 сакавіка знікла спікерка КР Анжаліка Мельнікава6
Каментары