Калі даўно хацелі пакаштаваць запечаную індычку пад хрусткай скурачкай, то паспрабуйце гэты рэцэпт. Ідэальны на Каляды. Большасць інгрэдыентаў для гэтай стравы знойдзецца ў вашай кухоннай шафе.
Інгрэдыенты:
- 5-6 кг гатовай да запякання індычкі (шыйка і вантробы выдалены)
- 1 цыбуліна, разрэзаная напалам
- 1 лімон, разрэзаны напалам (цэдру пакіньце для масла)
- цэлая галоўка часныку, разрэзаная напалам
Для солевай сумесі:
- 2 ст. л. марской солі
- 1 ст. л. лісця чабору
- 1 ч. л. перцу
Для масла:
- 100 г. сметанковага масла
- 4 ст. л. булённага парашку з гародніны
- цэдра 1 лімона
Першы крок
За два дні да пачатку прыгатуйце солевую сумесь: здрабніце соль з лісцем чабору і перцам у млыне для спецый або з дапамогай таўкача і ступкі. Пакладзіце індычку ў форму для запякання і асцярожна прасуньце пальцы пад скурай, пачынаючы з шыі, пакуль не зможаце прасунуць усю руку па даўжыні грудкі. Сачыце за тым, каб скурка не парвалася.
Другі крок
Запраўце птушку солевай сумессю знутры, звонку і пад скурай. Пакіньце індычку ў форме для выпякання грудкай уверх і пастаўце ў халадзільнік на тэрмін да двух дзён — чым даўжэй вы яе соліце, тым сакавіцей будзе індычка. Каб скурка атрымалася максімальна хрусткай, не накрывайце індычку, каб яна высахла.
Трэці крок
Дастаньце індычку з халадзільніка прыкладна за гадзіну да яе гатавання. Нагрэйце духоўку да 160-180 C. Вызначце час выпякання з разліку 40 хвілін на кілаграм для першых 4 кг, плюс 45 хвілін на кожны кілаграм зверху.
Чацвёрты крок
Выкладзіце масла, булённы парашок з гародніны і цэдру лімона ў невялікую міску і добра змяшайце.
Пяты крок
Рукамі размяркуеце масла пад скурай так, каб яно пакрыла ўсю вобласць грудкі, утрыце яго ў шчыліну паміж сцягном і асноўнай часткай тушки, затым разгладзьце скуру рукамі. Выкладзіце ў поласць цыбулю, палавінкі лімона і часнык.
Шосты крок
Злёгку накрыйце форму фольгай і запякайце індычку. Прыкладна за 30 хвілін да заканчэння павялічце тэмпературу духоўкі да 180-200 C, здыміце фольгу, натрыце індычку і вярніце ў духоўку. Калі індычка прыгожа падрумяніцца і прасмажыцца, выміце яе з духоўкі і пакіньце ў форме, накрытую фальгой на 1 гадзіну.
Цяпер чытаюць
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы10
Каментары