З'явіўся новы мабільны дадатак для знаёмстваў, створаны беларусамі для беларусаў
7 жніўня 2024 выйшаў у свет новы мабільны дадатак пад назвай «Віт!», які дапаможа беларусам знаёміцца і ствараць сувязі, піша Budzma.org.
Для каго гэты дадатак?
«Віт!» створаны адмыслова для беларусаў.
Жыхарам дыяспары ён можа дапамагчы пазнаёміцца з суседзямі-беларусамі, знайсці сяброў для дзіцяці ці кампанію для сумесных актыўнасцяў (пакатацца на ровары, схадзіць у грыбы).
У Беларусі з дапамогай дадатку можна знайсці кампаньёнаў для практыкі беларускай мовы. Таксама ёсць мапа устаноў, дзе вас дакладна абслужаць па-беларуску. З цягам часу мапа будзе пашырацца.
Таксама даступныя і рамантычныя знаёмствы.
Гісторыя стварэння
Ідэя дадатку нарадзілася на пачатку 2024 года, калі ў СМІ актыўна ўзгадвалася патрэба ў «беларускім тындары». Праца была пачатая ў сярэдзіне красавіка 2024 года, і праз тры з паловай месяцы дадатак быў гатовы.
«Бэта-тэставанне праводзілася як сярод беларусаў у Беларусі, так і сярод дыяспары. Мы атрымалі шмат водгукаў і пажаданняў, якія былі ўлічаныя пры распрацоўцы канчатковай версіі», — кажуць стваральнікі дадатку.
Асаблівасці дадатку
- Інтэрфэйс цалкам на беларускай мове
- Бясплатны доступ да ўсіх функцый
«Тое, што ў іншых лічыцца прэміўмам, у Віт даступна адразу кожнаму», — запэўніваюць распрацоўшчыкі.
- Спіс і карта беларускамоўных устаноў, якая з цягам часу будзе пашырацца.
«Паважаныя гаспадары беларускамоўныў месцаў, тут можа быць ваша рэклама», — запрашаюць да супрацы аўтары дадатку.
Планы на будучыню
Аўтары дадатку галоўнай задачай на бліжэйшчы час бачаць неабходнасць набраць пэўную колькасць аўдыторыі і звяртаюцца да самых хуткіх карыстальнікаў, якія зарэгіструюцца першымі:
«Калі ласка, не здзіўляйцеся напачатку пабачыць нешматлікую колькасць людзей са свайго горада, проста трошачкі пачакайце. Таксама вы можаце паскорыць працэс, калі распаўсюдзіце інфармацыю пра «Віт!» непасрэдна ў сваёй лакацыі.
Што будзе далей, у якім кірунку будзе рухацца праект — цалкам залежыць ад карыстальнікаў. Мы будзем збіраць зваротную сувязь і рэагаваць адпаведна».
Як падтрымаць праект
Карыстальнікі, якім дадатак прынясе карысць, ці проста спадабаецца ідэя, могуць аддзячыць фінансава.
Аднаразовы унёсак складае ўсяго 1 еўра, а падпіска — 0.5 еўра.
Спампаваць дадатак
Для атрымання дадатковай інфармацыі і тэхнічнай падтрымкі можна звязацца з камандай праз тэлеграм-бот тэхнічнай падтрымкі.
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам7
Каментары