Букераўскую прэмію атрымала кніга, дзе падзеі адбываюцца на МКС
Гэта таксама самы кароткі раман у гісторыі прэміі — у кнізе ўсяго 136 старонак.
Прэмію 2024 года атрымала англійская пісьменніца Саманта Харві за раман «Арбіта», які распавядае пра адзін дзень з жыцця шасці астранаўтаў, што знаходзяцца на Міжнароднай касмічнай станцыі, піша Бі-бі-сі.
Цырымонія ўручэння прэміі прайшла ў Лондане, журы ў гэтым годзе ўзначаліў брытанскі пісьменнік і мастак Эдмунд дэ Ваал. Ён сказаў, што ўся каманда адзінагалосна аддала перавагу раману Саманты Харві.
«Іншы раз вы сустракаеце кнігу і не можаце зразумець, як адбылося гэта цудоўнае здарэнне. Як суддзі мы былі поўныя рашучасці знайсці кнігу, якая б нас схвалявала, якая б мела ёмістасць і рэзананс, якой мы хацелі б падзяліцца», — сказаў дэ Ваал.
Харві стала першай жанчынай, якая атрымала прэмію з 2019 года, а «Арбіта» стала самой прадаванай кнігай з шорт-ліста ў Вялікабрытаніі.
Гэта першая кніга — лаўрэат Букераўскай прэміі, дзе дзеянне адбываецца ў космасе, а таксама самы кароткі раман — у кнізе ўсяго 136 старонак.
«Гэты кампактны, але ў той жа час прыгожы па змесце раман запрашае нас паназіраць за веліччу Зямлі і адначасова задумацца пра індывідуальную і калектыўную вартасць кожнага чалавечага жыцця», — гаворыцца ў заяве прэміі.
У шорт-ліст, акрамя Харві, увайшлі кнігі «Возера стварэння» амерыканкі Рэйчэл Кушнер, «Сховішча» нідэрландска-ізраільскай пісьменніцы Яэль ван дэр Вудэн, «Утрыманы» канадкі Эн Майклс, «Малітва ў каменным мяшку» аўстралійкі Шарлот Вуд і раман «Джэймс» амерыканца Персіваля Эверэта.
На прэмію могуць прэтэндаваць мастацкія творы пісьменнікаў любой нацыянальнасці, напісаныя на англійскай мове і апублікаваныя ў Вялікабрытаніі або Ірландыі за апошні год.
Прэмія ўручаецца з 1969 года.
Цяпер чытаюць
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы10
Каментары
Белка, Стрелка и Василевская
Отправили в космос Белку, Стрелку и Василевскую.
Время сеанса связи с землей.
Земля: -Белка!
Белка: -Гав
Земля: -проверить температуру в отсеках
Белка: -Гав-гав!!!
Земля: -Стрелка!
Стрелка: -Гав
Земля: -проверить показание приборов
Стрелка: -Гав-гав!!!
Земля: -Василевская!
Василевская: -Лукашенко - мой президенторожденный президент!
Земля: -Чо Лукашенко покорми собак и руками ничего не трогай!