Беларус падарыў брытанцы ружы — тая не ведае, як гэта разумець
У сацсетцы Reddit з’явіўся пост ад замежніцы, якая просіць патлумачыць паводзіны сябра з беларускімі каранямі. І ўсё праз яго падарунак, што падаўся дзяўчыне незвычайным.
Аўтарка публікацыі, 24-гадовая брытанка, вучыцца разам з хлопцам родам з Усходняй Еўропы: ён напалову рускі і напалову беларус. Яна лічыць гэтага хлопца сваім сябрам, хаця і прызнаецца, што ён аддае перавагу камунікацыі з іншымі людзьмі. І, тым не менш, яна кажа, што мае да яго пачуцці.
Калі ў дзяўчыны быў дзень нараджэння, яе сябар падараваў ёй вялікі букет з ружовых ружаў. Замежніца губляецца ў здагадках: гэта проста мілы жэст або хлопец спрабуе зрабіць першы крок да адносінаў?
Каментатары не знайшлі згоды па гэтым пытанні. Але большасць з іх адзначыла, што такі падарунак — гэта яўна нешта большае, чым сімвалічны знак увагі. Параілі звярнуць увагу на колер: маўляў, ружовыя ружы — гэта хутчэй праверка зацікаўленасці дзяўчыны, а вось букет з чырвоных ружаў дакладна азначае, што хлопец закаханы.
На думку іншага каментатара, сучасныя славяне пра такое не разважаюць, проста таму што не ведаюць значэння колераў кветак. Ён таксама кажа, што славяне не разумеюць амерыканскія традыцыі, звязаныя са спатканнямі, заручынамі і шлюбам. Таму дзяўчыне трэба браць сітуацыю пад кантроль:
«Беларусы бачылі амерыканскія традыцыі ў фільмах і могуць толькі капіраваць іх. Таму калі ён дорыць табе пярсцёнак, гэта не абавязкова азначае прапанову шлюбу. Калі ён дорыць табе танны пярсцёнак і робіць прапанову, гэта не азначае, што ён чакае, каб твае бацькі аплацілі вяселле».
«Наша Нiва» — бастыён беларушчыны
ПАДТРЫМАЦЬ
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары