Інфляцыя ў лютым склала 1,3 працэнта, а па выніках лютага гадавая інфляцыя ў Беларусі — 5,6%. Гэта вынікае са звестак Белстата. Месяцам раней гадавая інфляцыя была ніжэй — 5,2%.
Да студзеня 2025-га цэны ў лютым выраслі на 1,3%, а снежня 2024-га — на 2%.
За год больш за ўсё падаражэлі прадукты — на 6,7%. У сваю чаргу паслугі дадалі 6,5%, а нехарчовыя тавары — 3,4%.
За месяц карціна іншая: у цане больш за ўсё дадалі паслугі — плюс 3,5%. Прадукты падаражэлі на 0,7%, а нехарчовыя тавары — на 0,5%.
У адносінах да студзеня сярод прадуктаў больш за ўсё падаражэла рыба і морапрадукты — на 1%, а таксама алей і тлушчы (0,8%) і малочныя (0,4%). Гародніна патаннела на 1,5%, а мука — на 0,9%.
Сярод нехарчовых тавараў за месяц больш за ўсё дадало ў кошце адзенне — плюс 1,1%, самае вялікае патанненне зафіксавалі для пральных машын — мінус 1%.
Што тычыцца паслуг, жыллёва-камунальныя дадалі 10,5% (традыцыйнае павышэнне ў лютым), а бытавыя — 1,4%. Пры гэтым паслугі паветранага транспарту сталі таннейшымі на 5,7%.
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары